Asia Cup 2023: रोहित-विराट यांच्यात लागली स्पर्धा, सनथ जयसूर्याचा ‘हा’ मोठा विक्रम मोडण्यास दोघेही सज्ज

रोहित की विराट कोण बनणार टॉप स्कोअरर?

रोहित शर्माने एकदिवसीय आशिया कपमध्ये २२ सामन्यांच्या २१ डावांमध्ये ७४५ धावा केल्या आहेत. त्याच्या नावावर एक शतक आणि ६ अर्धशतके आहेत. दुसरीकडे, विराट कोहलीने आतापर्यंत एकदिवसीय आशिया कपमध्ये ११ सामन्यांच्या १० डावात ६१३ धावा केल्या आहेत. जर आपण टी-२० एशिया कपबद्दल बोलायचे, तर विराट कोहलीने १० सामन्यांच्या ९ डावात ४२९ धावा केल्या आहेत.

आणखी वाचा

Jasprit Bumrah : तबरेझ शम्सीच्या पोस्टने क्रिकेट विश्वाला दिला आश्चर्याचा धक्का! जसप्रीत बुमराहबरोबर घडला असा योगायोग की विश्वासच बसणार नाही

Nana Patole : निकालाआधी राजकीय घडामोडींना वेग; यातच…

Harbhajan Singh : ‘जर सुरुवात चांगली झाली नाही तर…’, हरभजन सिंगचे पर्थ कसोटीपूर्वी मोठं वक्तव्य; म्हणाला, ‘पहिलाच सामना खूप…’

Suryakumar Yadav : याला म्हणतात देशभक्ती… देशाचा अपमान होताना पाहून सूर्यकुमार यादवने केलं असं काही की, तुम्हीही कराल सलाम, पाहा VIDEO

IND vs SA: तिलक वर्मा-संजू सॅमसनचे ‘वर्ल्ड रेकॉर्ड’, जोहान्सबर्गमध्ये लावली विक्रमांची चळत; वाचा १० अनोखे विक्रम

IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी

Arjun Tendulkar: अर्जुन तेंडुलकरने पहिल्यांदाच पटकावल्या ५ विकेट्स; रणजी करंडक स्पर्धेत भेदक गोलंदाजी; ८४ धावांवर संघ सर्वबाद

रणजी करंडक क्रिकेट स्पर्धा: मुंबईकडून ओडिशाचा डावाने धुव्वा

रोहितच्या टी-२० आशिया कपमध्ये ९ सामन्यांच्या ९ डावात २७१ धावा आहेत. एकूणच, विराट कोहलीने आशिया चषक स्पर्धेत १०४२ धावा केल्या आहेत आणि रोहितने या स्पर्धेच्या इतिहासात १०१६ धावा केल्या आहेत. आशिया चषकाच्या इतिहासात सर्वाधिक धावा करण्याचा विक्रम सनथ जयसूर्याच्या नावावर आहे, ज्याने १२२० धावा केल्या आहेत. या सर्व धावा फक्त आशिया कपमधील एकदिवसीय सामन्यात केल्या आहेत.

हेही वाचा – Asia Cup 2023: पाकिस्तानविरुद्धच्या सामन्यासाठी टीम इंडियाची कशी असेल प्लेइंग इलेव्हन? माजी खेळाडूने केला खुलासा

म्हणजेच विराट कोहली आणि रोहित शर्मा हे दोघेही सनथ जयसूर्याच्या विक्रमापासून दूर नाहीत, हे आकडे पाहून स्पष्ट होते. कोहलीला २०० पेक्षा कमी धावांची गरज आहे, तर रोहितला जयसूर्याला मागे टाकण्यासाठी २०५ धावांची गरज आहे. आता हे दोन्ही खेळाडू आगामी स्पर्धेत कशी कामगिरी करतात हे पाहावे लागेल. विराट कोहलीसाठी शेवटची टूर्नामेंट शानदार होती. त्याने अफगाणिस्तानविरुद्ध शतक झळकावले आणि त्याच्या कारकिर्दीत जवळपास ३ वर्षांच्या प्रतीक्षेनंतर ते घडले. तिथून विराटनेही फॉर्ममध्ये परतण्याचे संकेत दिले.

हेही वाचा – Asia Cup 2023 पूर्वी भारताच्या मधल्या फळीची समस्या संपली! श्रेयस अय्यरची सराव सामन्यात वादळी खेळी

शेवटचे विजेतेपद रोहितच्या नेतृत्वाखाली जिंकले होते –

भारतीय संघाने एकूण ७ वेळा आशिया चषकाचे विजेतेपद पटकावले आहे. त्यापैकी ६ एकदिवसीय आशिया चषक आणि एक टी-२० आशिया चषक विजेतेपदाचा समावेश आहे. भारताने शेवटचा आशिया कप २०१८ मध्ये जिंकला होता आणि तो फक्त एकदिवसीय फॉर्मेटमध्ये खेळला गेला होता. या स्पर्धेतील कर्णधारपद रोहित शर्माने केले होते. आता रोहित या यशाची पुनरावृत्ती करू इच्छितो. त्याचवेळी पुन्हा एकदा त्याच्या नेतृत्वाखाली टीम इंडियाला चॅम्पियन बनवायचे आहे. गेल्या वेळी तो विराट कोहलीच्या अनुपस्थितीत कर्णधार म्हणून मैदानात उतरला होता. यावेळी तो संघाचा नियमित कर्णधार म्हणून मैदानात उतरणार आहे. या स्पर्धेसाठी टीम इंडिया पाकिस्तान आणि नेपाळसह अ गटात आहे.