Rohit Sharma has broken Virat Kohli’s record : भारतीय संघाचा कर्णधार ‘हिटमॅन’ रोहित शर्माने विशाखापट्टणम येथे सुरू असलेल्या इंग्लंडविरुद्धच्या दुसऱ्या कसोटी सामन्यात एक मोठा टप्पा गाठला आहे. टीम इंडियाचा कर्णधार रोहित शर्माने विराट कोहलीचा मोठा विक्रम मोडला. रोहित शर्मा इंग्लंडविरुद्धच्या दुसऱ्या कसोटीतील दुसऱ्या डावात १३ धावा काढून बाद झाला. त्याला मोठी खेळी साकारता आली नाही, परंतु या डावात अवघ्या ७ धावा करुन त्याने विराट कोहलीचा एक मोठा विक्रम मोडत त्याला मागे टाकले.

रोहित शर्माने मोडला विराट कोहलीचा मोठा विक्रम –

रोहित शर्माने इंग्लंडविरुद्धच्या दुसऱ्या डावात १३ वा करत इतिहास रचला आहे. रोहित शर्माने त्याचा सहकारी आणि स्टार फलंदाज विराट कोहलीचा एक मोठा विक्रम उद्ध्वस्त केला आहे. विराट कोहलीला मागे टाकून रोहित शर्मा आता वर्ल्ड टेस्ट चॅम्पियनशिप (डब्ल्यूटीसी) मध्ये भारतासाठी सर्वाधिक धावा करणारा खेळाडू ठरला आहे. विराट कोहलीने वर्ल्ड टेस्ट चॅम्पियनशिपमध्ये ३६ सामन्यांच्या ६० डावांमध्ये ३९.२१ च्या सरासरीने २२३५ धावा केल्या आहेत. विराट कोहलीने या कालावधीत ४ शतके आणि १० अर्धशतके केली आहेत. विराट कोहलीची वर्ल्ड टेस्ट चॅम्पियनशिपमधील सर्वोत्तम धावसंख्या २५४* धावा आहे.

आणखी वाचा
Rohit Sharma to miss first Test against Australia Jasprit Bumrah to captain in Perth Devdutt Padikkal will be added in Team
IND vs AUS: रोहित शर्मा पहिल्या कसोटीतून बाहेर, BCCIला दिली माहिती; त्याच्या जागी ‘या’ खेळाडूला संघात स्थान मिळणार
21 November 2024 Rashi Bhavishya
२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…
IND vs AUS virat Kohli Is Emotional Said Glenn MacGrath Urges Australia to Go Hard on Him in Border Gavaskar Trophy
IND vs AUS: “विराट कोहली भावनिक आहे, त्याचा फायदा…”, ऑस्ट्रेलियाच्या माजी खेळाडूने कांगारू संघाला दिला मोलाचा सल्ला
India Scored 2nd Highest T20 Total of 283 Runs Tilak Varma and Sanju Samson Scored Individual Centuries with Record Breaking Partnership IND vs SA
IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी
Arshdeep Singh Becomes India Most Successful T20I Fast Bowler Surpasses Jasprit Bumrah and Bhuvneshwar Kumar with 92 Wickets IND vs SA
IND vs SA: अर्शदीप सिंगने बुमराह-भुवनेश्वरला मागे टाकत घडवला इतिहास, ‘ही’ कामगिरी करणारा ठरला भारताचा पहिला वेगवान गोलंदाज
Arjun Tendulkar Maiden Five Wicket Haul in First Class Cricket Ranji Trophy Goa vs Arunachal Pradesh
Arjun Tendulkar: अर्जुन तेंडुलकरने पहिल्यांदाच पटकावल्या ५ विकेट्स; रणजी करंडक स्पर्धेत भेदक गोलंदाजी; ८४ धावांवर संघ सर्वबाद
Suryakumar Yadav made big mistake in India lost the second T20I against South Africa
Suryakumar Yadav : कर्णधार सूर्यकुमार यादवची ‘ती’ चूक टीम इंडियाला पडली महागात, यजमानांनी भारताच्या तोंडचा घास हिरावला
Sanju Samson breaks Dhoni record to become joint 7th Indian batter
Sanju Samson : संजू सॅमसनने धोनीला मागे टाकत केला खास पराक्रम, टी-२० क्रिकेटमध्ये ‘ही’ कामगिरी करणारा ठरला सातवा भारतीय

रोहित शर्माबद्दल बोलायचे तर त्याने वर्ल्ड टेस्ट चॅम्पियनशिपमध्ये २९ सामन्यांच्या ४९ डावांमध्ये ४९.८२ च्या सरासरीने २२४२ धावा केल्या आहेत. रोहित शर्मा आता वर्ल्ड टेस्ट चॅम्पियनशिपमध्ये भारतासाठी सर्वाधिक धावा करणारा फलंदाज ठरला आहे. रोहित शर्माने या कालावधीत ७ शतके आणि ६ अर्धशतके झळकावली आहेत. वर्ल्ड टेस्ट चॅम्पियनशिपमध्ये रोहित शर्माची सर्वोत्तम धावसंख्या २१२ धावा आहे.

हेही वाचा – VIDEO : शतकानंतरही अँजेलो मॅथ्यूजच्या पदरी आली निराशा, चौकार मारल्यानंतरही झाला बाद

वर्ल्ड टेस्ट चॅम्पियनशिपमध्ये सर्वाधिक धावा करणारा फलंदाज इंग्लंडचा स्टार फलंदाज जो रूट आहे. जो रूटने वर्ल्ड टेस्ट चॅम्पियनशिपमध्ये ४९ सामन्यांच्या ८९ डावांमध्ये ४९.०६ च्या सरासरीने सर्वाधिक ४०२३ धावा केल्या आहेत. जो रूटने या कालावधीत १२ शतके आणि १६ अर्धशतके केली आहेत. जो रूटचा वर्ल्ड टेस्ट चॅम्पियनशिपमधील सर्वोत्तम धावसंख्या २२८ धावा आहे.

हेही वाचा – IND vs ENG : “मला अजूनही आश्चर्य वाटते की…”, दुसऱ्या कसोटीतील खेळपट्टी पाहून सौरव गांगुलीने उपस्थित केला प्रश्न

डब्ल्यूटीसीमध्ये सर्वाधिक धावा करणारे भारतीय फलंदाज –

१. रोहित शर्मा- २२४२ धावा (४९ डाव)
२. विराट कोहली- २२३५ धावा (६० डाव)
३. चेतेश्वर पुजारा- १७६९ धावा (६२ डाव)
४. अजिंक्य रहाणे – १५८९ धावा (४९ डाव)