भारताचा ‘हिटमॅन’ यो-यो फिटनेस चाचणी पास, अजिंक्य रहाणेच्या आशा मावळल्या

रोहितने फिटनेस चाचणीनंतर आपल्या इन्स्टाग्राम अकाऊंटवर फिटनेस चाचणी पास झाल्यानंतरचा फोटो शेअर केला आहे.

फिटनेस चाचणी पास झाल्यानंतर रोहित आता भारतीय संघासोबत इंग्लंड दौऱ्याला रवाना होणार आहे. सुरुवातीला भारतीय संघ आयर्लंडविरुद्ध २ टी-२० सामने खेळणार आहे. मात्र या निकालानंतर अजिंक्य रहाणेच्या विश्वचषकातील संघात स्थान मिळवण्याच्या आशा आता धुसर झाल्या आहेत. आयपीएमध्ये रोहित शर्माला फारशी चमकदार कामगिरी करता आली नव्हती. त्यामुळे यो-यो फिटनेस चाचणी पास केल्यानंतर रोहित शर्मा इंग्लंड दौऱ्यात कशी कामगिरी करतो हे पाहणं महत्वाचं ठरणार आहे.