ऑस्ट्रेलियात जाऊन चांगली कामगिरी करणं कायमच आव्हानात्मक – रोहित शर्मा

रविवारी भारताने विंडीजवर ६ गडी राखून विजय मिळवला. ऑस्ट्रेलियातील खेळपट्ट्या भारतीय उपखंडापेक्षा वेगळ्या आहेत. तिथे जाऊन चांगली कामगिरी करणे हे कायमच आव्हान असते. ऑस्ट्रेलियात खेळताना खेळाडू आणि संघाचा कस लागतो. कारण हा दौरा पूर्णपणे वेगळ्या प्रकारचा असतो. त्यातच विंडीजसारख्या संघाला व्हाईटवॉश दिल्यानंतर संघ विश्वासाने परिपूर्ण असतो. हा विश्वास नव्या दौऱ्यावर कायम ठेवणे हे खरे आव्हान असते. पण आम्ही आमच्या कामगिरीत सातत्य राखले तर ते शक्य होऊ शकले, असेही तो म्हणाला.

याशिवाय, शिखर धवनच्या खेळीचेही त्याने कौतुक केले. ऑस्ट्रेलियासारख्या मोठ्या दौऱ्याआधी शिखरला सूर गवसला ही भारतीय संघासाठी आनंदाची बाब आहे. एकदिवसीय सामन्यांमध्ये त्याला चांगली सुरुवात मिळत होती, पण त्याचे मोठ्या धावसंख्येचा रूपांतर करणे त्याला शक्य होत नव्हते. पण अखेर शेवटच्या सामन्यात त्याला सूर गवसला ही सकारात्मक बाब आहे, असेही रोहितने सांगितले.