Rohit Sharma : ‘नवा कर्णधार शोधा…’, आढावा बैठकीत रोहित शर्माने बीसीसीआयकडे मागितली काही महिन्यांची मुदत?

आढावा बैठकीत काय ठरलं?

बीसीसीआयसोबत झालेल्या आढावा बैठकीत रोहित शर्माने पुढील काही महिने भारतीय कसोटी संघाचे नेतृत्त्व करण्याची इच्छा व्यक्त केली आहे. दरम्यान, रोहित शर्माने बीसीसीआयला नवीन कर्णधाराचा शोध सुरू ठेवण्यास सांगितले आहे. मीडिया रिपोर्ट्सनुसार, बीसीसीआयसोबतच्या बैठकीदरम्यान रोहित शर्माचा उत्तराधिकारी म्हणून बुमराहच्या नावाचा प्रस्ताव ठेवण्यात आला होता, परंतु काही लोक त्याच्याबद्दल संभ्रमात आहेत. इंग्लंडविरुद्धच्या ५ सामन्यांच्या कसोटी मालिकेत तो संघाचे नेतृत्व करू शकेल की नाही, याबाबत बुमराहच्या नावावर शंका होती.

रोहित शर्मा काय म्हणाला?

दैनिक जागरणच्या वृत्तानुसार, रोहितने बीसीसीआयला आढावा बैठकीत सांगितले की, “बोर्ड भविष्यातील कर्णधाराची निवड करेपर्यंत तो पुढील काही महिने कर्णधार राहील. त्यानंतर जो कोणी निवडला जाईल त्याला त्याचा पूर्ण पाठिंबा असेल.” तसेच रोहित एकदिवसीय फॉर्मेटमध्ये भारताचा कर्णधार म्हणून कायम राहील. या फॉरमॅटमधील त्याच्या उत्तराधिकाऱ्याचा निर्णय आयसीसी चॅम्पियन्स ट्रॉफीनंतर घेतला जाईल, असेही ठरले आहे.

हेही वाचा – Karun Nair : त्रिशतकवीर आठ वर्षानंतर पुनरागमनासाठी सज्ज! सलग चार शतकं झळकावत ठोठावला टीम इंडियाचा दरवाजा

भारताची पुढील कसोटी मालिका ही जूनमध्ये इंग्लंडविरुद्ध होणार आहे. या मालिकेत दोन्ही संघांत पाच सामने खेळले जाणार आहेत. तत्त्पूर्वी भारतीय संघ १९ फेब्रुवारीपासून सुरु होणाऱ्या चॅम्पियन्स ट्रॉफी स्पर्धेत सहभागाी होणार आहे. या स्पर्धेसाठी अजून भारतीय संघाची घोषणा करण्याती आलेली नाही. जसप्रीत बुमराह आणि कुलदीप यादवला झालेल्या दुखापतीमुळे भारतीय संघ जाहीर करण्यास विलंब होत असल्याचे सांगितले जात आहे.