…म्हणून ‘या’ तीन संघांना IPL मध्ये चॅम्पियन बनता आलं नाही; जाणून घ्या यामागचं नेमकं कारण

दिल्ली कॅपिटल्स, रॉयल चॅलेंजर्स बॅंगलोर आणि किंग्ज इलेव्हन पंजाब या संघाच्या खराब प्रदर्शनामुळं त्यांना आयपीएलचं चॅम्पियन बनता आलं नाही. आरसीबी, पंजाब आणि दिल्ली आयपीएल इतिहासातील सर्वात जास्त सामन्यांमध्ये पराभव झालेले संघ आहेत. ज्यामुळे या संघांना आतापर्यंत आयपीएलमध्ये जेतेपद मिळवता आलं नाही. जाणून घेऊयात आयपीएलमधील या संघांच्या कामगिरीबाबत.

आणखी वाचा

Champions Trophy 2025 : चॅम्पियन्स ट्रॉफी अन्य देशात हलवल्यास पाकिस्तान बोर्डाला कोट्यवधींचा फटका; कसा ते जाणून घ्या

Nana Patole : निकालाआधी राजकीय घडामोडींना वेग; यातच…

Team India : टीम इंडियाची ऑस्ट्रेलियामध्ये कामगिरी खूपच निराशाजनक, तब्बल ‘इतक्या’ वेळा बॉर्डर-गावस्कर ट्रॉफीत पत्करावा लागलाय पराभव

Champions Trophy: “भारतीय संघासाठी पाकिस्तान सुरक्षित नाही…”, पाकिस्तानच्या माजी खेळाडूच्या पोस्टने उडाली खळबळ, PCBला दाखवला आरसा

Champions Trophy: “भारत-पाकिस्तान सामनाच नाही झाला तर…”, टीम इंडिया चॅम्पियन्स ट्रॉफीसाठी येणार नसल्याने BCCI, ICCवर संतापले जावेद मियांदाद

AUS vs PAK : पाकिस्तानने २२ वर्षांनी नोंदवला ऐतिहासिक विजय, भारताला मागे टाकत ‘हा’ खास पराक्रम करणारा ठरला पहिला आशियाई संघ

निराशाजनक पराभवामुळे आव्हान खडतर! विजय निसटल्याची महाराष्ट्राचे प्रशिक्षक सुलक्षण कुलकर्णी यांना खंत

नक्की वाचा – ‘त्या’ सामन्यात एकच षटकार ठोकला अन् गड्यानं इतिहास रचला, फलंदाजाचं नाव वाचून तुम्हीही व्हाल थक्क

आरसीबी

आरसीबीला आयपीएलमध्ये एकादाही चॅम्पियन बनता आलं नाही, तरी या संघाची लोकप्रियता आयपीएलच्या प्रत्येक सीजनमध्ये खूप दिसून येते. या संघांत धाकड खेळाडूंची पलटण आहे. विराट कोहली-एबी डिविलियर्सने आरसीबीला आयपीएलमध्ये जेतेपद जिंकून देण्यासाठी शर्थीचे प्रयत्न केले, पण त्यांच्या प्रयत्नांना यश आलं नाही. आरसीबीने आयपीएलमध्ये एकूण २२७ सामने खेळले आहेत. ज्यामध्ये ११९ सामन्यांमध्ये आरसीबीला विजय संपादन करता आलं आहे. तसंच २००९, २०११ आणि २०१६ मध्ये आरसीबीला आयपीएलच्या फायनलपर्यंत मजल मारता आली होती.

किंग्ज इलेव्हन पंजाब

आयपीएलमध्ये किंग्ज इलेव्हन पंजाब टीमलाही जेतेपदावर शिक्कामोर्तब करता आलं नाही. पंजाबच्या टीमने आयपीएलमध्ये २१८ सामने खेळले असून ९८ सामन्यांमध्ये त्यांनी विजय संपादन केलं आहे. तर ११६ सामन्यांमध्ये त्यांना पराभवाचा सामना करावा लागला आहे. २०१४ मध्ये किंग्ज इलेव्हन पंजाबने आयपीएलच्या फायनलमध्ये प्रवेश केला होता. पंजाबचा सामन्यांमध्ये विजय मिळण्याची सरासरी पन्नास टक्क्यांच्या जवळपास आहे.

दिल्ली कॅपिटल्स

आयपीएलच्या १५ वर्षांच्या इतिहासात दिल्ली कॅपिटल्सला एकदाही चॅम्पियन होता आलं नाही. दिल्ली कॅपिटल्सचा संघ एकदाही आयपीएलच्या फायनलमध्ये प्रवेश करु शकला नाही. त्यामुळे दिल्लीचा आयपीएलमध्ये आतापर्यंत खराब प्रदर्श झालं आहे. दिल्ली कॅपिटल्सने आयपीएलमध्ये २१६ सामने खेळले आहेत. यापैकी ९६ सामन्यांमध्ये दिल्लीने विजय मिळवला असून ११४ सामन्यांमध्ये त्यांचा पराभव झाला आहे.