Ruturaj Gaikwad broke Martin Guptill’s record : ऑस्ट्रेलियाविरुद्धच्या ५ सामन्यांच्या टी-२० मालिकेतील पाचव्या सामन्यात भारतीय संघाने ६ धावांनी रोमहर्षक विजय मिळवला. त्याचबरोबर ४-१ अशा फरकाने मालिका आपल्या नावावर केली. या सामन्यात सलामीवीर फलंदाज ऋतुराज गायकवाडला मोठी खेळी खेळण्यात यश आले नाही आणि तो केवळ १० धावा करून बाद झाला. या खेळीदरम्यान त्याने २ चौकारही मारले आणि न्यूझीलंडचा फलंदाज मार्टिन गप्टिलचा विक्रम मोडला. ऑस्ट्रेलियाविरुद्धच्या टी-२० आंतरराष्ट्रीय मालिकेत सर्वाधिक धावा करणाऱ्या फलंदाजांच्या यादीत तो पहिल्या क्रमांकावर पोहोचला आहे.

ऋतुराज गायकवाडने मोडला मार्टिन गप्टिलचा विक्रम –

ऋतुराज गायकवाडने या सामन्यात १० धावा केल्या आणि ऑस्ट्रेलियाविरुद्धच्या टी-२० मालिकेत सर्वाधिक धावा करणाऱ्या फलंदाजांच्या यादीत तो पहिला आला. ऋतुराज गायकवाडने या मालिकेत कांगारू संघाविरुद्ध ५ सामन्यात २२३ धावा केल्या आणि मार्टिन गप्टिलला मागे टाकले. याआधी, गुप्टिलने २०२१ मध्ये ऑस्ट्रेलियाविरुद्धच्या टी-२० मालिकेत एकूण २१८ धावा केल्या होत्या, पण आता तो दुसऱ्या क्रमांकावर घसरला आहे. या यादीत विराट कोहली १९९ धावांसह तिसऱ्या स्थानावर आहे.

आणखी वाचा
George Linde Misses Team Bus But leads South Africa to Thrilling Win by Career Best All Rounder Performance SA vs PAK
PAK vs SA: आधी टीम बस चुकली, नंतर पोलिसांच्या गाडीतून पोहोचला मैदानात अन् पाकिस्तानला नमवत जिंकला सामनावीराचा पुरस्कार
nana patekar reacts on allu arjun arrest
अल्लू अर्जुनच्या अटक प्रकरणावर नाना पाटेकर म्हणाले, “कोणाला…
world chess championship loksatta
गुकेशच्या नवचैतन्याची कसोटी!
Kalidas hirve , Vasai National Marathon Competition,
वसईत रंगली राष्ट्रीय मॅरेथॉन स्पर्धा, साताऱ्याचा कालिदास हिरवे विजेता
Travis Head Fastest Century in Day Night Test Match IND vs AUS Adelaide Test
Travis Head: ट्रॅव्हिस हेडचे डे-नाईट कसोटीत सर्वात जलद शतक, स्वत:चा रेकॉर्ड मोडत केली मोठी कामगिरी; भारत बॅकफूटवर
Kagiso Rabada Bat Broke in t20 parts on Lahiru Kumara Ball in SA vs SL 2nd Test Watch Video
SA vs SL: चेंडूच्या वेगासमोर बॅटचे झाले दोन तुकडे, थोडक्यात वाचला कगिसो रबाडाचा हात; VIDEO होतोय व्हायरल
Jasprit Bumrah becomes first bowler to pick 50 Test wickets in 2024 joins Kapil Dev Zaheer Khan in elite list
IND vs AUS: जसप्रीत बुमराहच्या भेदक गोलंदाजीची कमाल, २०२४ मध्ये कसोटीत ‘ही’ कामगिरी करणारा जगातील पहिला वेगवान गोलंदाज
India Beat Sri Lanka by 7 Wickets in Semifinal and Enters Final of U19 Asia Cup
IND U19 vs SL U19: भारताचा U19 संघ आशिया चषकाच्या अंतिम फेरीत, १३ वर्षीय वैभव सूर्यवंशीने २४ चेंडूत केलं अर्धशतक; अंतिम फेरीत कोणाविरूद्ध खेळणार?

ऑस्ट्रेलियाविरुद्धच्या एका टी-२० मालिकेत सर्वाधिक धावा करणारे फलंदाज –

२२३ धावा – ऋतुराज गायकवाड (२०२३)
२१८ धावा – मार्टिन गुप्टिल (२०२१)
१९९ धावा – विराट कोहली (२०१६)

हेही वाचा – IND vs AUS 5th T20 Highlights: अर्शदीपची भेदक गोलंदाजी; भारताने शेवटच्या ट्वेन्टी२० सह मालिका ४-१ने जिंकली

ऋतुराज गायकवाडने टी-२० द्विपक्षीय मालिकेत भारतासाठी सर्वाधिक धावा करणाऱ्या यादीत आपले नाव कोरले. इंग्लंडविरुद्ध विराट कोहली २३१ धावांसह अव्वल स्थानावर आहे. न्यूझीलंडविरुद्ध २२४ धावांसह केएल राहुल या यादीत दुसऱ्या स्थानावर आहे. इशान किशन आणि श्रेयस अय्यर यांचाही या यादीत समावेश आहे.

टी-२० द्विपक्षीय मालिकेत भारतासाठी सर्वाधिक धावा करणारे फलंदाज –

२३१ – विराट कोहली विरुद्ध इंग्लंड
२२४ – केएल राहुल विरुद्ध न्यूझीलंड
२२३ – ऋतुराज गायकवाड विरुद्ध ऑस्ट्रेलिया
२०६ – इशान किशन विरुद्ध दक्षिण आफ्रिका
२०४ – श्रेयस अय्यर विरुद्ध श्रीलंका

ऋतुराज गायकवाडने इशान किशनच्या विक्रमाशी केली बरोबरी –

ऋतुराज गायकवाडने या ५ सामन्यांच्या टी-२० मालिकेत ऑस्ट्रेलियन संघाविरुद्ध एकूण २१ चौकार मारले आणि त्याने इशान किशनच्या विक्रमाशी बरोबरी केली. यापूर्वी, भारताकडून कोणत्याही द्विपक्षीय टी-२० मालिकेत सर्वाधिक चौकार मारण्याचा विक्रम इशान किशनच्या नावावर होता, ज्याने २०२२ साली दक्षिण आफ्रिकेविरुद्धच्या मालिकेत २१ चौकार मारले होते.

हेही वाचा – IND vs AUS 5th T20 : भारतीय गोलंदाजांनी ऑस्ट्रेलियाच्या तोंडचा घास हिरावला, रोमहर्षक सामन्यात सहा धावांनी विजयी

टी-२० द्विपक्षीय मालिकेत भारतासाठी सर्वाधिक चौकार मारणारे फलंदाज –

२१ – ऋतुराज गायकवाड विरुद्ध ऑस्ट्रेलिया (२०२३)
२१ – इशान किशन विरुद्ध दक्षिण आफ्रिका (२०२२)
२० – विराट कोहली विरुद्ध इंग्लंड (२०२१)
२० – श्रेयस अय्यर विरुद्ध श्रीलंका (२०२२)
२० – सूर्यकुमार यादव विरुद्ध इंग्लंड (२०२२)

Story img Loader