अखेरचे भाषण उत्स्फूर्त!

मुंबईच्या वानखेडे मैदानावर २०१३ मध्ये असाच काहीसा प्रकार घडला. ‘सचिन..सचिन’ अशा आरोळय़ांनी आसमंत निनादून गेला होता. क्रिकेटला शेवटचा नमस्कार करण्याची जबरदस्त इच्छा सचिनमध्ये निर्माण झाली आणि खेळपट्टीपर्यंत जाण्याचा एक जादूई मार्ग तयार झाला.सचिनच्या आयुष्यात जे घडले आणि नंतर जे घडणार होते, ते केवळ या २२ यार्डाच्या खेळपट्टीमुळेच. त्या खेळपट्टीविषयी त्याला आदर व्यक्त करायचा होता. खेळपट्टीचे आभार मानायचे होते आणि म्हणूनच तो खेळपट्टीसमोर नतमस्तक झाला.

आणखी वाचा

IND vs AUS: “विराट कोहली भावनिक आहे, त्याचा फायदा…”, ऑस्ट्रेलियाच्या माजी खेळाडूने कांगारू संघाला दिला मोलाचा सल्ला

Voter Turnout Increase: ‘शेवटच्या तासात लाखोंच्या संख्येने मतदान…

IND vs AUS: शुबमन गिल ऑस्ट्रेलियाविरूद्ध पहिल्या कसोटीतून बाहेर, टीम इंडियाच्या अडचणी वाढल्या, ‘हा’ खेळाडू करणार पदार्पण?

Suryakumar Yadav : ‘आता सगळ्यांनी मायदेशात जाऊन…’, दक्षिण आफ्रिकेविरुद्धची मालिका जिंकल्यानंतर सूर्याने संघाला दिला महत्त्वाचा सल्ला

Suryakumar Yadav : याला म्हणतात देशभक्ती… देशाचा अपमान होताना पाहून सूर्यकुमार यादवने केलं असं काही की, तुम्हीही कराल सलाम, पाहा VIDEO

IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी

पुणे: प्रचार फेरीत भाजप कार्यकर्त्यांमध्ये हाणामारी, संगमवाडीतील घटना

‘‘स्टार टीव्हीवरील एक व्यक्ती माझ्याजवळ आली. त्याने मला कार्यक्रमाची रूपरेषा सांगितली. सामन्याचा मानकरी बोलेल, वेस्ट इंडिजचा कर्णधार डॅरेन सॅमी बोलेल. त्यानंतर मला रवी शास्त्रीच्या तीन प्रश्नांची उत्तरे द्यायची होती. शेवटी विजयी कर्णधार धोनी बोलेल आणि विजेत्या भारतीय संघाला करंडक दिला जाईल. इथेच कार्यक्रम संपेल,’’ अशी आठवण सचिन सांगतो.तेव्हा, सचिनने जर आग्रह धरला नसता, तर जगाने ते भावनिक निरोपाचे भाषण पाहिले नसते. ‘‘माझे निरोपाचे भाषण सहाव्या दिवशी म्हणजे कसोटी सामना संपल्यानंतर दुसऱ्या दिवशी पत्रकार परिषदेत नियोजित केले होते. माझ्या मनात तेव्हा एक विचार डोकावला. मला बोलायचे असेल, तर हाच एक क्षण आहे. मी त्या व्यक्तीला विचारले, मी थोडा वेळ बोलू शकतो का? बोललात तर खूप आनंद होईल, असे तो म्हणाला. त्याच्या होकारानंतर ‘मला किती वेळ मिळेल. माझे भाषण दोन मिनिटांपेक्षा जास्त चालेल,’ असे मी त्यांना म्हणालो. त्यावर त्यांचे उत्तर आले..दोन तास बोललात तरी चालेल.’’

त्यानंतर मैदानावर फक्त सचिन बोलत होता. बोलायला सुरुवात करताना सचिनने खिशातून एक कागद बाहेर काढला. या सगळय़ाबद्दल तो म्हणाला, ‘‘माझे भाषण उत्स्फूर्त होते. मला कुणाला विसरायचे नव्हते म्हणून मी ज्यांच्याबद्दल जशा क्रमाने बोलायचे तेवढेच त्या कागदावर लिहून आणले होते. यादीतील लोकांबद्दल मी काय बोलणार हे मला माहीत होते. काहीच नियोजित नव्हते. जे काही मनाने सांगितले, स्फुरले ते बोललो,’’ असे सचिन सांगतो.
(‘दि इंडियन एक्स्प्रेस’चे संदीप द्विवेदी आणि श्रीराम वीरा यांनी घेतलेल्या सचिनच्या मुलाखतीमधील संपादित अंश.)