भारताची स्टार खेळाडू सानिया मिर्झा हिने झिम्बाब्वेच्या कारा ब्लॅक हिच्या साथीत महिलांच्या दुहेरीचे विजेतेपद राखले आणि टोकियो टोरे पॅसिफिक टेनिस स्पर्धेत निर्विवाद वर्चस्व गाजविले. त्यांनी स्पेनच्या गर्बिन मुर्गुझा व कार्ला सोरेझ नाव्हेरो यांचा ६-२, ७-५ असा पराभव केला. सानिया हिने यंदा अमेरिकन खुल्या स्पर्धेतील मिश्र दुहेरीत ब्राझीलच्या ब्रूनो सोरेस याच्या साथीत अजिंक्यपद मिळविले होते.
