अमेरिकन खुली टेनिस स्पर्धा: सानिया-हिंगीस जोडीची उपांत्य फेरीत धडक

अमेरिकन खुल्या टेनिस स्पर्धेत महिलांच्या दुहेरीत खेळताना भारताच्या सानिया मिर्झाने सहकारी मार्टिना हिंगीसच्या साथीने उपांत्य फेरीत धडक मारली आहे. अग्रमानांकन लाभलेल्या या जोडीने उपांत्यफेरीत नवव्या मानांकित युंगजान चान व हाओ चिंग चान या चीन तैपेईच्या जोडीचा ७-६(५), ६-१ असा पराभव केला. ८५ मिनिटे चाललेल्या या सामन्यात सानिया-हिंगीस जोडीने चारही ब्रेक पॉईंट जिंकले तर, दोन सर्व्हिस गमावल्या. उपांत्य फेरीत सानिया-हिंगीस जोडीसमोर  ११ व्या मानांकित सारा इर्रानी आणि फलविया पेनेटा या इटालियन जोडीचे आव्हान असणार आहे