‘‘येत्या काही वर्षांत तुला अशीच इरिटेट करत राहीन’’

सानिया ही भारताची आघाडीची महिला टेनिसपटू आहे. तर, शोएबने पाकिस्तानकडून 35 कसोटी, 287 एकदिवसीय आणि 116 टी-20 आंतरराष्ट्रीय सामने खेळले आहेत. 1999मध्ये शोएबने पाकिस्तानकडून आंतरराष्ट्रीय पदार्पण केले. त्याने पाकिस्तान संघाचे कर्णधारपदही सांभाळले आहे.

शोएब मलिकची क्रिकेट कारकीर्द जबरदस्त आहे. कसोटीत शोएबने 1898 धावा केल्या आहेत, तर एकदिवसीय सामन्यात तो 7534 धावा काढण्यात यशस्वी झाला आहे. शोएबने वनडेमध्ये 9 शतके आणि 44 अर्धशतके झळकावली आहेत. याशिवाय  116 टी -20 आंतरराष्ट्रीय सामन्यात शोएबने 8 अर्धशतकांसह 2335 धावा केल्या आहेत.

टी-20 आंतरराष्ट्रीय सामन्यात सर्वाधिक धावा करणाऱ्या फलंदाजांच्या यादीत शोएब सहाव्या क्रमांकावर आहे. टी-20 आंतरराष्ट्रीय सामन्यात विराट कोहलीने सर्वाधिक धावा केल्या आहेत. क्रिकेटच्या या प्रकारात विराटने 3159 धावा केल्या आहेत.