मी नेहमी सकारात्मक विचार करतो, टी२० विश्वचषक संघातून वगळल्यानंतर संजू सॅमसनची पहिली प्रतिक्रया

बीसीसीआयने टी२० विश्वचषक स्पर्धेसाठी जाहीर केलेल्या १५ सदस्यीय संघात ऋषभ पंत व दिनेश कार्तिक या दोन यष्टिरक्षकांची निवड केली. फॉर्मात नसतानाही ऋषभची निवड अन् सातत्यपूर्ण कामगिरीकरून संजूला डावलल्याने त्याचे चाहते प्रचंड संतापले होते. यावर एका व्हिडिओतून “मी नेहमी सकारात्मक विचार करतो, सहकाऱ्यांशी स्पर्धा म्हणजे देशाचा पराभव आहे”, असे म्हणत त्याने समाज माध्यमांवर होत असलेल्या चर्चांना उत्तर दिले आहे.

तसेच तो पुढे म्हणतो की, “मी खूप भाग्यवान आहे की, ५वर्षांनंतर मला भारतीय क्रिकेटमध्ये पुनरागमन करण्याची संधी मिळाली. जगातील सर्वोत्कृष्ट संघात पुनरागमन करणे सोपे नसते. मी स्वत:ला खूपच नशीबवान समजतो.” ऑस्ट्रेलियाविरुद्धच्या आगामी टी२० मालिकेसाठीही दुर्लक्षित ठेवण्यात आले आहे. सोशल मीडियावर सातत्याने चर्चा होत असते की, सॅमसन भारतीय संघात केएल राहुल किंवा ऋषभ पंतला ऐवजी खेळेल अशी काही माजी दिग्गज खेळाडूंनी आशा व्यक्त केली होती.

हेही वाचा   :   न्यूझीलंडच्या माजी महान फिरकीपटूने सांगितले अश्विन ऑस्ट्रेलियात का होऊ शकतो एक्स फॅक्टर, जाणून घ्या

याविषयी बोलताना सॅमसन म्हणाला की, “सोशल मीडियावर खूप काही चालू आहे. खूप काही म्हटले जात आहे की, सॅमसनला केएल राहुल आणि ऋषभ पंतच्या जागी निवडले गेले पाहिजे. परंतु याबाबत माझे विचार एकदम स्पष्ट आहेत. राहुल आणि पंत दोघेही भारतीय संघासाठी खेळत आहेत. जर मी माझ्याच संघ सहकाऱ्यांसोबत प्रतिस्पर्धा करू लागलो, तर असे करत मी माझ्याच देशाचा अपमान करेल. याचसाठी मी नेहमी सकारात्मक विचार ठेवत असतो.”