Sarfaraz Khan gave a befitting reply to BCCI by sharing a video on Instagram story: कसोटी सामन्यांव्यतिरिक्त भारतीय संघ वेस्ट इंडिज दौऱ्यावर एकदिवसीय आणि टी-२० मालिका खेळणार आहे. या दौऱ्यासाठी टीम इंडियाची घोषणा करण्यात आली आहे. रणजी ट्रॉफीमध्ये चमकदार कामगिरी करणाऱ्या सरफराज खानला संघात स्थान मिळाले नाही, त्यानंतर सुनील गावस्कर, वसीम जाफर यांच्यासह अनेक माजी क्रिकेटपटूंनी प्रश्न उपस्थित केले.
याशिवाय सरफराज खानला या भारतीय संघात स्थान मिळायला हवे होते, असे सोशल मीडियावरील चाहत्यांचे मत आहे. मात्र, आता सरफराज खाननेच बीसीसीआयच्या निवडकर्त्यांना प्रत्युत्तर दिले आहे. सरफराज खानने आपल्या इन्स्टाग्राम स्टोरीवर एक व्हिडीओ शेअर करत आपल्या भावना व्यक्त करताना बीसीसीआयला प्रत्युत्तर दिले आहे.
सरफराज खानने निवडकर्त्यांना दिले उत्तर!
सरफराज खानने त्याच्या इंस्टाग्राम स्टोरीमध्ये एक व्हिडिओ शेअर केला आहे. या व्हिडीओमध्ये सरफराज खानच्या रणजी ट्रॉफी हंगामातील हायलाइट्स आहेत. या स्टोरीच्या कॅप्शनमध्ये काहीही लिहिलेले नसले तरी, सोशल मीडिया चाहत्यांचे म्हणणे आहे की या युवा फलंदाजाने बीसीसीआयच्या निवडकर्त्यासाठी एक संदेश आहे. मात्र, सरफराज खानची स्टोरी सोशल मीडियावर सतत चर्चेत असते.
सरफराज खानची रणजी ट्रॉफीतील कामगिरी –
आकडेवारी दर्शवते की सरफराज खानने रणजी ट्रॉफी २०२३ हंगामातील ९ डावात ५५६ धावा केल्या. सरफराज खानची या मोसमात सरासरी ९२.६६ होती. तर या युवा फलंदाजाने ७२.४९ च्या स्ट्राईक रेटने धावा केल्या. याशिवाय सरफराज खानने तीनवेळा शतकाचा टप्पा ओलांडला, असे असतानाही बीसीसीआयच्या निवड समितीकडून सातत्याने त्याच्याकडे दुर्लक्ष केले जात आहे.
वेस्ट इंडिजविरुद्धच्या कसोटी मालिकेसाठी टीम इंडियाचा संघ –
रोहित शर्मा (कर्णधार), शुबमन गिल, ऋतुराज गायकवाड, विराट कोहली, यशस्वी जैस्वाल, अजिंक्य रहाणे (उपकर्णधार), केएस भरत (यष्टीरक्षक), इशान किशन (यष्टीरक्षक), आर अश्विन, रवींद्र जडेजा, शार्दुल ठाकूर, अक्षर पटेल, मोहम्मद सिराज, मुकेश कुमार, जयदेव उनाडकट आणि नवदीप सैनी.
