IND vs ENG : सर्फराझ खानने पहिली धाव काढताच पत्नी आणि वडिलांची ‘अशी’ होती प्रतिक्रिया

Ind vs Eng: सर्फराझ, संधी आणि सफर

राजकोटच्या निरंजन शाह स्टेडियमवर आज आज भारत विरुद्ध इंग्लंड यांच्यात तिसऱ्या कसोटीला सुरुवात झाली. भारताने नाणेफेक जिंकून प्रथम फलंदाजी करण्याचा निर्णय घेतला. यावेळी भारताची सुरुवात फारशी चांगली झाली नाही. २२ धावसंख्या असताना यशस्वी जयस्वाल केवळ १० धावा करून बाद झाला. त्यानंतर आलेला शुबमन गिलही शून्यावर बाद झाला. दोघानांही मार्क वूडने माघारी धाडले. ३३ धावसंख्या असताना रजत पटीदारने आपली विकेट गमावली. त्यानंतर आलेल्या रवींद्र जडेजा आणि सलामीवीर रोहित शर्माने भारताचा डाव सांभाळला आणि तब्बल २०४ धावांची भागीदारी रचली.

IND vs ENG : ‘तो संघाच्या विजयात…’, सर्फराझची टीम इंडियात निवड झाल्यावर त्याचे वडील झाले भावूक

रोहित शर्मा बाद झाल्यानंतर खेळपट्टीवर आलेल्या सर्फराझ खानलाही मार्क वुडने आपल्या तिखट गोलंदाजीने नमवण्याचा प्रयत्न केला. छोटे चेंडू मध्येच पडणाऱ्या यॉर्करला सर्फराझने संयमी वृत्तीने तोंड दिले. कसोटी पदार्पणात पहिल्या तीन धावाकडून सरफारजने कसोटी कारकिर्दीचा श्रीगणेशा केला. २६ वर्षीय सरफारजने त्यानंतर जवळपास प्रती चेंडू एक धाव या सरासरीने आपली खेळी केली. केवळ ४८ चेंडूत त्याने अर्धशतक पूर्ण केले.

सरफारजने इंग्लंडच्या फिरकीपटूंवर चांगलाच हल्ला चढविला. जो रुट, टॉम हार्टली आणि रेहन अहमद यांच्या गोलंदाजीला सर्फराझने लक्ष्य केले. ४३ धावसंख्येवर असताना टॉम हार्टलीच्या गोलंदाजीवर पुढे येऊन षटकार ठोकला. त्यानंतर पुढच्या चेंडूवर एक धाव घेऊन पदार्पणाच्या पहिल्याच सामन्यात अर्धशतक पूर्ण केले. अर्धशतक पूर्ण होताच सर्फराझने आपल्या कुटुंबाच्या दिशेने फ्लाईंग किस केली. त्यानंतर त्याच्या पत्नीनेही सरफारजच्या कृतीला प्रतिसाद दिला.

सर्फराझच्या कुटुंबियांसाठी आजचा दिवस अतिशय भावनिक असा होता. सामना सुरू होण्यापूर्वी जेव्हा माजी क्रिकेटपटू अनिल कुंबळेकडून सर्फराझला टेस्ट कॅप मिळाली तेव्हा सर्फराझचे कुटुंबिय आपले अश्रू रोखू शकले नाहीत.