Satwik Chirag pair beat Allen Ryan pair to win BWF 500 tournament Korea Open title: सात्विक साईराज आणि चिराग शेट्टी या भारतीय पुरुष जोडीने बीडब्ल्यूएफ ५०० टूर्नामेंट कोरिया ओपनचे विजेतेपद पटकावले. त्यांनी इंडोनेशियाच्या फजर अॅलन आणि मोहम्मद रियान या जगातील नंबर वन जोडीचा पराभव केला. हा सामना ६२ मिनिटे चालला, ज्यात १७-२१, २१-१३, २१-१४ असा भारतीय पुरुष जोडीने विजय मिळवला. या सामन्यापूर्वी इंडोनेशियन जोडीविरुद्धचा विक्रम २-२ असा बरोबरीत होता.
सात्विक-चिराग जोडीने सलग दुसरे विजेतेपद पटकावले –
सात्विक आणि चिराग यांनी यावर्षी इंडोनेशिया सुपर १००० आणि स्विस ओपन सुपर ५०० विजेतेपद पटकावले आहेत. जूनमध्ये इंडोनेशिया ओपन ही शेवटची स्पर्धा जिंकल्यानंतर भारतीय जोडीचे हे सलग दुसरे विजेतेपद आहे. त्याच वेळी, हे त्यांचे तिसरे बीडबल्यएफ ५०० विजेतेपद आहे. यापूर्वी त्यांनी २०१९ मध्ये थायलंड ओपन आणि गेल्या वर्षी इंडिया ओपन जिंकली होती.
सात्विक आणि चिराग यांनी त्यांची जोडी बनल्यापासून अनेक विजेतेपदे जिंकली आहेत. ज्यात राष्ट्रकुल क्रीडा स्पर्धेत सुवर्णपदक, थॉमस चषक सुवर्णपदक, जागतिक स्पर्धेत कांस्य पदक तसेच सुपर ३०० (सय्यद मोदी आणि स्विस ओपन), सुपर ५०० (थायलंड आणि इंडिया ओपन), सुपर ७५० (फ्रेंच ओपन) आणि इंडोनेशिया ओपन सुपर १००० यांचा समावेश आहे.
हेही वाचा – विश्वचषकाच्या प्रोमो VIDEO मधून बाबर आझमला वगळल्याने शोएब अख्तर संतापला; आयसीसीवर टीका करताना म्हणाला…
जागतिक क्रमवारीतील तिसऱ्या क्रमांकाच्या जोडीवर उपांत्य फेरीत केली होती मात –
तत्पूर्वी, सात्विकसाईराज रँकीरेड्डी आणि चिराग शेट्टी या भारतीय जोडीने शनिवारी जागतिक क्रमवारीत दुसऱ्या स्थानावर असलेल्या, लियांग वेई केंग आणि वांग चांग यांच्यावर मात केली होती. त्याचबरोबर या रोमहर्षक सरळ गेममधील विजयानंतर अंतिम फेरीत प्रवेश केला होता. जागतिक क्रमवारीत तिसऱ्या क्रमांकावर असलेल्या जोडीवर भारतीय जोडीने जिनम स्टेडियमवर ४० मिनिटांच्या लढतीत चीनच्या जोडीवर २१-१५, २४-२२ असा विजय नोंदवला होता.
