न्यूझीलंड दौऱयासाठी भारतीय संघात कोण ‘इन’? कोण ‘आऊट’?

आगामी न्यूझीलंड दौऱयासाठी भारतीय संघातील खेळाडूंची उद्या (मंगळवार) बीसीसीआयच्या बैठकीत निवड करण्यात येणार आहे.
सुत्रांच्या माहितीनुसार, उद्या दुपारी १२:३० वा. बीसीसीआयच्या मुख्यालयात बैठक घेण्यात येणार आहे. यात न्यूझीलंड दौऱयासाठी भारतीय संघाची निवड करण्यात येणार आहे.
न्यूझीलंड दौऱयावर भारतीय संघ पाच एकदिवसीय व दोन कसोटी सामने खेळणार आहे. १९ जानेवारी २०१४ रोजी न्यूझीलंडविरुद्धचा पहिला एकदिवसीय सामना खेळविण्यात येणार असून येथून एकदिवसीय मालिकेला सुरूवात होईल व १४ फेब्रुवारी रोजी दुसऱया कसोटी सामन्याने दौऱयाचा शेवट होणार आहे. उद्या होणाऱया बीसीसीआयच्या बैठकीत न्यूझीलंड दौऱयासाठी भारतीय संघात कोण इन होईल? आणि कोण आऊट? हे पाहणे महत्वाचे ठरणार आहे.