Shakib Al Hasan: डोळ्याच्या समस्येमुळे शाकिब-अल-हसन २०२३वर्ल्ड कपमध्ये चांगली फलंदाजी करू शकला नाही? अष्टपैलूने केला खुलासा

विश्वचषकादरम्यान शाकिब त्याच्या बालपणीचा गुरू नझमुल आबेदीन यांच्याकडेही गेला होता, जिथे त्याचे दीर्घ फलंदाजीचे सत्र होते. मात्र त्यानंतरही शाकिबला फलंदाजीत विशेष काही करता आले नाही. आता ‘क्रिकबझ’शी बोलताना या अष्टपैलू खेळाडूने सांगितले की, तो संपूर्ण विश्वचषक अंधुक नजरेने खेळला. भारतात झालेल्या स्पर्धेत बांगलादेशला केवळ दोन विजय मिळाले आणि ते गुणतालिकेत आठव्या स्थानावर राहिले. मात्र, त्यानंतरही त्यांना चॅम्पियन्स ट्रॉफी २०२५मध्ये स्थान मिळाले.

हेही वाचा: AUS vs PAK 2nd Test: उस्मान ख्वाजाने आता खेळली नवी चाल, आपल्या मुलींची नावे लिहून उतरला मैदानात; पाहा Video

शाकिबने याबाबत खुलासा करत सांगितले की, “विश्वचषकातील केवळ एक-दोन सामन्यांमध्ये असे नाही, तर संपूर्ण स्पर्धेत डोळ्यांचा त्रास कायम होता.” त्याने पुढे सांगितले की, “मला फलंदाजी करताना चेंडूला सामोरे जाण्यात अडचण येत होती. जेव्हा मी डॉक्टरांकडे गेलो, तेव्हा माझ्या डोळ्याच्या रेटिना किंवा कॉर्नियामध्ये पाणी होते. त्यांनी मला काही औषधे दिली त्यात काही ड्रॉप होते. त्यातील दोन थेंब रोज मी डोळ्यात टाकत होतो. मला सांगितले की, स्वतःचा ताण जर कमी करायचा असेल तर काही दिवस क्रिकेटपासून दूर राहा. माझी फलंदाजी खराब होण्याचे हे कारण आहे की नाही याची मला खात्री नव्हती. माझ्या डोळ्यांचा त्रास जेव्हा अधिक वाढला तेव्हा हे खूप जाणवले. विश्वचषकानंतर जेव्हा मी लंडनमध्ये तपासणी केली तेव्हा फारसा ताण नव्हता आणि मी म्हणालो की सध्या विश्वचषक नाही, त्यामुळे तणाव नाही.”

शाकिब पुढे म्हणाला की, “आता मला थोडे बरे वाटत आहे. विश्वचषकात फलंदाजी करत असताना कधी कधी चेंडू मला लागून दुखापत होईल का? अशी भीती देखील वाटून गेली. मात्र, सहकाऱ्यांनी मला खूप सांभाळून घेतले. मी आगामी काळात संघात पुन्हा उत्तम प्रदर्शन करण्यासाठी उत्सुक आहे.”

हेही वाचा: Usman Khawaja: उस्मान ख्वाजाने बॉक्सिंग डे कसोटीपूर्वी आयसीसीवर केला गंभीर आरोप; म्हणाला, “दुटप्पी भूमिका…”

२०२३च्या विश्वचषकात कामगिरी खराब होती, २०१९ मध्ये खळबळ उडाली होती

२०२३च्या एकदिवसीय विश्वचषकात शाकिबने ७ डावात २६.६च्या सरासरीने १८६ धावा केल्या. या काळात त्याने फक्त एक अर्धशतक झळकावले. याशिवाय त्याने गोलंदाजीत ९ विकेट्स घेतल्या. याउलट, शाकिबने २०१९च्या विश्वचषकात अप्रतिम कामगिरी केली, जिथे त्याने ८ डावात फलंदाजी करताना ८६.६च्या सरासरीने ६०६ धावा केल्या आणि गोलंदाजीत ११ विकेट्स घेतल्या.बांगलादेशने ९ सामन्यांत केवळ २ विजय आणि ७ पराभवांसह विश्वचषकातील आपला प्रवास संपवला. संघ गुणतालिकेत सातव्या स्थानावर आहे. विश्वचषकादरम्यानच शाकिबच्या बोटाला दुखापत झाली होती. यानंतर तो न्यूझीलंडविरुद्धच्या कसोटी मालिकेतूनही बाहेर पडला. तो पुनरागमन कधी करणार, याबाबत त्याने कुठलीही माहिती दिलेली नाही.