IND vs NZ : हे सर्व काही मुलीसाठी, विक्रमी कामगिरीनंतर शमीची प्रतिक्रिया

भारत विरुद्ध न्यूझीलंड यांच्यातील पहिल्या सामन्यात भारताने 8 गडी राखून यजमान संघावर मात केली. सामन्यात पहिल्यांदा गोलंदाजी कराव्या लागणाऱ्या भारतीय संघाने यजमान न्यूझीलंडला 157 धावांवर रोखलं. मोहम्मद शमीने किवींच्या सलामीवीरांना झटपट माघारी धाडत न्यूझीलंडला बॅकफूटवर ढकललं. यादरम्यान शमीने वन-डे क्रिकेटमध्ये 100 बळींचा टप्पा पूर्ण केला. सर्वात जलद 100 बळींचा टप्पा पूर्ण करणाऱ्या भारतीय गोलंदाजांच्या यादीत शमीने इरफान पठाव व अन्य दिग्गजांना मागे टाकलं.