वॉटसनने तारले

* सराव सामन्यात ऑस्ट्रेलियाचा वेस्टइंडीजवर चार विकेट्सने विजय
आयपीएलमधली उत्तम फलंदाजीची कामगिरी कायम राखत आयसीसीच्या चॅम्पियन्स करंडक सामन्यांसाठीच्या सराव सामन्यामध्ये ऑस्ट्रेलियन फलंदाज शेन वॉटसनच्या  धडाकेबाज फलंदाजीच्या जोरावर ऑस्ट्रेलियाने वेस्टइंडीज संघावर विजय प्राप्त केला. वेस्टइंडीज संघाचे २५६ धावांचे लक्ष्य कांगारु संघाने अवघ्या ३९ व्या षटकात गाठले, तरी ऑस्ट्रेलियाची सुरूवात कमकुवत झाली होती. दुसऱ्या षटकात डेव्हीड वॉरनर आणि फिलिप ह्युजेस शुन्यावर बाद झाले. त्यानंतर शेन वॉटसनने ९८ चेंडूत १५ चौकार आणि ४ षटकारांच्या मदतीने १३५ धावांची खेळी साकारली. वॉटसनला साथ देत अॅडम वोजेसने सामन्यात ४३ धावा ठोकल्या आणि सरतेशेवटी ऑस्ट्रेलियाने विजय प्राप्त केला.