'मी तुला सोडणार नाही...'; शोएब अख्तरने बाबर आझमला दिली होती धमकी Shoaib Akhtar threatened Babar Azam and said I will not leave you

Disclosure of Shoaib Akhtar: शोएब अख्तरने एक मोठा खुलासा केला आहे की, एकदा बाबर आझमने नेट दरम्यान मला स्ट्रेट ड्राईव्ह मारला होता. तेव्हा मी त्याला सोडणार नाही, असे म्हटले होते.

शोएब अख्तर आणि बाबर आझम (फोटो-संग्रहित छायाचित्र इंडियन अक्सप्रेस))

Shoaib Akhtar Threatened Babar Azam:पाकिस्तानचा दिग्गज वेगवान गोलंदाज शोएब अख्तर याने काही दिवसांपूर्वी एक विधान करून पाकिस्तान क्रिकेटमध्ये खळबळ उडवून दिली होती, जेव्हा त्याने म्हटले होते की बाबर आझम पाकिस्तान क्रिकेटसाठी ब्रँड बनू शकला नाही. कारण त्याला इंग्रजी येत आहे. या वक्तव्यामुळे पाकिस्तानच्या माजी वेगवान गोलंदाजालाही टीकेला सामोरे जावे लागले असले, तरी आता त्याने बाबर आझमबद्दल एक मोठा खुलासा केला आहे.

गेल्या आठवड्यात त्याने आझम खानला पाकिस्तान संघाचा कर्णधार बनवण्याची वकिली केली होती, तर आता शोएब अख्तरने एक जुना किस्सा शेअर केला आहे. शोएब अख्तरने बाबर आझमविरुद्ध पहिल्यांदा गोलंदाजी केली होती, तेव्हा बाबरने त्याच्याविरुद्ध शानदार स्ट्रेट ड्राईव्ह मारला होता, तेव्हाची आठवण सांगितली.

अख्तरने खुलासा केला की त्याने बाबरला स्ट्रेट ड्राईव्ह न मारण्याचा इशारा दिला होता, पण बाबरने त्याचे ऐकले नाही. तो सुनो न्यूजवर बोलताना म्हणाला, “मला अजूनही आठवतंय की बाबर अकादमीत यायचा. त्यावेळी मुदस्सर भाई त्याच्यासोबत होता. एकदा मी बाबरला नेटवर फलंदाजी करायला सांगितली आणि विशेष म्हणजे स्ट्रेट ड्राईव्ह खेळायचा नाही, असे म्हणालो.”

हेही वाचा – WPL 2023 DC vs RCB: कोण आहे तारा नॉरिस? जिने पहिल्याच सामन्यात आरसीबीच्या पाच फलंदाजांना दाखवला तंबूचा रस्ता, घ्या जाणून

अख्तर पुढे म्हणाला, “मी सांगितल्यानंतरही त्याने स्ट्रेट ड्राईव्ह शॉट खेळली, कारण तो एक स्वाभाविक फलंदाज आहे, जो त्याच्या कव्हर्स आणि स्ट्रेट ड्राईव्हवर अवलंबून असतो. लवकरच त्याने माझ्याविरुद्ध स्ट्रेट ड्राईव्ह मारला. मग मी म्हणालो, ‘मी तुला (बाबर) सोडणार नाही.’ यानंतर, मुदस्सर भाईने बाबर आझमला सांगितले की, ये नाहीतर तो चेंडू मारेन.” बाबर सध्या पीएसएलमधील पेशावर झल्मी संघाचा कर्णधार आहे.

तत्पूर्वी, शोएब अख्तरने बाबर आझमबद्दल सांगितले की, त्याने आपले इंग्रजी ज्ञान वाढवावे. बाबर आझम ज्या पद्धतीने बोलतो, त्यावरून तो कर्णधारपदासाठी योग्य वाटत नाही. फक्त आयसीसी प्लेयर ऑफ द इयरचे विजेतेपद पटकावल्याने तुम्ही ब्रँड खेळाडू बनणार नाही.

हेही वाचा – Suryakumar Yadav: गल्ली क्रिकेटमध्ये सूर्यकुमार यादवने लगावला ‘सुपला शॉट’; चाहत्यांनी केला एकच जल्लोष, पाहा VIDEO

शोएब अख्तरने काही काळापूर्वी एका वक्तव्यात म्हटले होते की, विराट कोहली हा एक ब्रँड खेळाडू आहे आणि असे अनेक सुपरस्टार खेळाडू सध्या भारतीय क्रिकेटमध्ये आहेत. दुसरीकडे बाबर आझम त्याच्या इंग्रजी ज्ञानामुळे ब्रँड म्हणून स्वत:ला स्थापित करू शकला नाही.

First published on: 06-03-2023 at 14:30 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Shoaib akhtar threatened babar azam and said i will not leave you vbm

Shoaib Akhtar: ‘मी तुला सोडणार नाही…’; शोएब अख्तरने बाबर आझमला दिली होती धमकी