Shreyas Iyer Bowling Action Similar to Sunil Narine video viral : एकीकडे टीम इंडिया आंतरराष्ट्रीय क्रिकेटमधून ब्रेकवर असताना दुसरीकडे भारतात बुची बाबू स्पर्धा खेळवली जात आहे. या स्पर्धेत भारतीय संघातील अनेक खेळाडू या स्पर्धेत सहभागी झाले आहेत. या स्पर्धेत अप्रतिम कामगिरी करून काही खेळाडू बांगलादेश कसोटी मालिकेपूर्वी निवड समितीचे लक्ष वेधून घेतील. यापूर्वी इशान किशनने शानदार शतक झळकावून टीम इंडियात पुनरागमन करण्याचे संकेत दिले आहेत. आता श्रेयस अय्यरने आपल्या बॉलिंग ॲक्शनने सर्वांचे लक्ष वेधून घेतले आहे, ज्याचा व्हिडीओ व्हायरल होत आहे. श्रेयसची सुनील नरेनच्या शैलीत गोलंदाजी - बुची बाबू या स्पर्धेत श्रेयस अय्यर मुंबई संघाचे नेतृत्व करत आहे. या स्पर्धेदरम्यान, मुंबई आणि टीएनसीए इलेव्हन यांच्यात सामना झाला. या सामन्यात श्रेयस अय्यर मुंबईसाठी गोलंदाजी करताना दिसला. अय्यरची गोलंदाजी बघून चाहते आश्चर्यचकित झाले. कारण अय्यरची बॉलिंग ॲक्शन वेस्ट इंडिजचा क्रिकेटपटू सुनील नरेनसारखीच आहे. आता अय्यरच्या गोलंदाजीचा व्हिडिओ सोशल मीडियावर वेगाने व्हायरल होत आहे. श्रेयस अय्यरच्या गोलंदाजीने वेधले सर्वांचे लक्ष्य - रिपोर्टनुसार, टीम इंडियाचे नवे मुख्य प्रशिक्षक गौतम गंभीर यांचे मत आहे की, भारतीय संघाच्या प्रत्येक खेळाडूने थोड्या प्रमाणात का होईना गोलंदाजी केली पाहिजे, जेणेकरून सामन्याच्या मध्यात संघाला मदत करता येईल. जेव्हापासून गौतम गंभीर संघाचा प्रशिक्षक झाला आहे, तेव्हापासून सूर्यकुमार यादव आणि रिंकू सिंग यांना गोलंदाजी करताना पाहिले आहे. आता श्रेयस अय्यरही त्यांचा पावलावर पाऊल ठेवताना दिसत आहे. कारण त्यांचा गोलंदाजी करतानाचा व्हिडीओ व्हायरल झाला आहे. या षटकात अय्यरने केवळ ७ धावा दिल्या होत्या. हेही वाचा - Jay Shah : जय शाह ICC चे पाचवे भारतीय अध्यक्ष, जाणून घ्या याआधी कोणी सांभाळलीय जबाबदारी? श्रेयस अय्यर सध्या फलंदाजीत खराब फॉर्ममधून जात आहे. यापूर्वी अय्यर श्रीलंका दौऱ्यावर एकदिवसीय मालिकेत खेळताना दिसला होता, या मालिकेतही अय्यरने बरीच निराशा केली होती. आता बांगलादेशविरुद्धच्या कसोटी मालिकेसाठी अय्यरला टीम इंडियात स्थान मिळवायचे असेल, तर त्याला देशांतर्गत क्रिकेटमध्ये फलंदाजीने चांगली कामगिरी करावी लागेल.
