शुबमन गिलच्या सर्वात लाडक्या व्यक्तीने काढली सारा तेंडुलकरची दृष्ट! सोशल मीडियावर चर्चांना उधाण

साराने लाल रंगाच्या गाऊनमधील एक व्हिडिओ इन्स्टाग्रामवर शेअर केला आहे. तिचा हा व्हिडिओ सोशल मीडियावर व्हायरल झाला आहे. आतापर्यंत १३ लाखांपेक्षा जास्त लोकांनी हा व्हिडिओ बघितला आहे तर तीन लाखांपेक्षा जास्त लाइक्स मिळाल्या आहेत. सारा लाल रंगाच्या गाऊनमध्ये इतकी सुंदर दिसत आहे की, क्रिकेटपटू शुबमन गिलच्या बहिणीनेदेखील यावर कमेंट केली आहे. विशेष म्हणजे शाहनील गिलने डिजीटलपद्धतीने साराची दृष्ट काढली आहे.

शाहनील गिल सारा तेंडुलकरला इन्स्टाग्रामवर फॉलो करते. “तू लाल रंगाच्या ड्रेसमध्ये,” अशी कमेंट शाहनीलने केली आहे. त्यासोबत तिने इव्हिल आय इमोजी आणि एक पांढरा बदामही दिला आहे. शाहनीलच्या कमेंटवर अनेक यूजर्सनी आपल्या प्रतिक्रिया दिल्या आहेत.

काहींनी शाहनीलला सारा तेंडुलकर आणि शुभमन गिलच्या रिलेशनशिपबद्दल प्रश्न विचारले. तर, काहींना असे वाटते की, बहिणीच्या अकाऊंटवरून शुबमननेच ही कमेंट केली आहे. शुबमन गिल आणि सारा तेंडुलकरच्या नात्याबाबत वारंवार बातम्या येत आहेत. मात्र, अद्याप दोघांनी याबाबत काहीही स्पष्टीकरण दिलेले नाही.