Ranji Trophy: शुबमन गिल वादग्रस्तरित्या बाद झाल्यानंतर संतापला, हवेत फेकली बॅट अन् डोक्याला…, VIDEO व्हायरल

कर्नाटक आणि पंजाब यांच्यात बेंगळुरूमध्ये खेळलेला हा सामना तिसऱ्या दिवशीच संपला. पंजाबचा संघ पहिल्या डावात अवघ्या ५५ धावांत गारद झाला, त्यात संघाचा कर्णधार शुबमन गिलही केवळ ४ धावा करून बाद झाला. यानंतर कर्नाटकने पहिल्या डावात ४७५ धावा केल्या. पंजाबची कामगिरी दुसऱ्या डावातही सारखीच होती आणि लागोपाठ विकेट पडत राहिल्या. पण कर्णधार शुबमन गिल मात्र पाय घट्ट रोवून उभा होता.

ऑस्ट्रेलिया दौऱ्यावर कसोटी मालिकेत फलंदाजीमुळे टीकेचा सामना करणाऱ्या गिलने यावेळी एकटा मैदानात उभा ठाकून कर्नाटकच्या गोलंदाजांचा सामना केला. त्याला खालच्या फळीतील फलंदाजांची साथ मिळाली, त्यामुळे गिलने उत्कृष्ट शतक झळकावले.

ऑस्ट्रेलिया दौऱ्यावर कसोटी मालिकेत फलंदाजीमुळे टीकेचा सामना करणाऱ्या गिलने यावेळी एकटा मैदानात उभा ठाकून कर्नाटकच्या गोलंदाजांचा सामना केला. त्याला खालच्या फळीतील फलंदाजांची साथ मिळाली, त्यामुळे गिलने उत्कृष्ट शतक झळकावले. पण गिलच्या शतकाचा आनंद फार काळ टिकला नाही, कारण त्याचे शतक पूर्ण केल्यानंतर लगेचच त्याला पायचीत बाद करण्यात आले आणि यामुळे गिल वैतागला. गिलच्या मते चेंडू त्याच्या बॅटला लागला होता आणि असंच काहीस रिप्लेमध्ये दिसत होतं परंतु डीआरएसची सुविधा नसल्याने तो अपील करू शकला नाही.

गिलने अंपायरशी वाद घातला नाही पण जास्त वेळ तो आपल्या रागावर नियंत्रण ठेवू शकला नाही. पॅव्हेलियनमध्ये परतताना त्याने पूर्ण ताकदीने आपली बॅट हवेत उंच फेकली. क्षेत्ररक्षक सहसा विकेट घेतल्यानंतर जल्लोषात चेंडू हवेत फेकतो त्याचप्रमाणे बॅट गिलने उडवली. गिलने बॅट फेकली पण त्याला दुखापत झाली असती, कारण बॅट त्याच्या अगदी जवळून जमिनीवर पडली. यानंतर, तो बॅट उचलून पॅव्हेलियनमध्ये परतला आणि लवकरच पंजाबचा संघ २१३ धावांवर कोसळला आणि एक डाव आणि २०७ धावांच्या फरकाने पराभूत झाला.