Simon Doull on Pakistan: “पाकिस्तानात राहणे म्हणजे तुरुंगात राहण्यासारखे…’ न्यूझीलंडच्या पाक दौऱ्याआधी सायमन डूलचा धक्कादायक खुलासा

न्यूझीलंडचा दिग्गज क्रिकेटपटू सायमन डूल आता केवळ समालोचकाच्या भूमिकेत दिसत आहे. तो सतत कोणत्या ना कोणत्या कारणाने चर्चेत असतो. अलीकडेच त्याने लाईव्ह कॉमेंट्री दरम्यान पाकिस्तानी कर्णधार बाबर आझमच्या स्ट्राईक रेटवर टीका केली होती. यानंतर त्याचा माजी पाकिस्तानी क्रिकेटर आमिर सोहेलसोबत वाद झाला. पुन्हा एकदा सायमन डूली चर्चेत आहे. यावेळी पुन्हा त्यांनी पाकिस्तानवरच मोठी टीका केली आहे. ते म्हणाले की, पाकिस्तानमध्ये राहणे म्हणजे तुरुंगात राहण्यासारखे आहे. एकदा तो पाकिस्तानात अडकल्यावर त्याला अनेक दिवस उपाशी राहावे लागले.

हेही वाचा: Ashwin on online Game: “बॅन असेल तर खेळू नका…”, ऑनलाइन rummy गेम्सवरून मिस्ट्री स्पिनर अश्विन भडकला

‘सुदैवाने कसा तरी पाकिस्तानातून बाहेर पडू शकलो’- सायमन

सायमन डूलने सांगितले की बाबर आझमचे चाहते त्याची वाट पाहत होते, त्यामुळे तो मैदानाबाहेर जाऊ शकला नाही. मग त्याने देवाचे आभार मानले आणि सांगितले की कसे तरी त्याने पाकिस्तान सोडले. किवी दिग्गजाने सांगितले की, “त्याला पाकिस्तानमध्ये खूप मानसिक छळ सहन करावा लागला.” न्यूझीलंडचा माजी क्रिकेटपटू सायमन डोलने पाकिस्तानी चॅनल जिओ न्यूजला सांगितले की, “पाकिस्तानमध्ये राहणे म्हणजे तुरुंगात राहण्यासारखे आहे. मला बाहेर जाऊ दिले नाही कारण बाबर आझमचे चाहते माझी वाट पाहत होते. बरेच दिवस काहीही न खाता मला पाकिस्तानात राहावे लागले. मी मानसिकदृष्ट्या खूप अस्वस्थ होतो. पण देवाचे आभार मानतो की मी कसा तरी पाकिस्तानातून बाहेर पडू शकलो. मी त्याच्यावर टीका केली म्हणून ते चिडले होते.”

हेही वाचा: IPL2023, CSKvsRR: आर. अश्विनने घेतला भर मैदानात पंगा! मांकडिंग रनआऊटवर रहाणेचे सडेतोड उत्तर, Video व्हायरल

विराट कोहलीवरही साधला निशाना

विशेष म्हणजे सायमन डूल अनेकदा खेळाडूंवर आपली तिखट प्रतिक्रिया देण्यासाठी प्रसिद्ध आहे. लखनऊ सुपर जायंट्सविरुद्ध विराट कोहलीच्या अर्धशतकी खेळीबाबतही सायमन डूलने प्रश्न उपस्थित केले आहेत. “विराट कोहलीने सुरुवातीच्या चेंडूवर आक्रमक फलंदाजी केल्याचे त्याने म्हटले होते पण ४२ ते ५० धावांपर्यंत पोहोचण्यासाठी त्याने १० चेंडूंचा सामना केला. त्याची खेळी पाहता विराट आपल्या विक्रमासाठी खेळत असल्याचे दिसते. क्रिकेटमध्ये वैयक्तिक विक्रमांना स्थान नाही.”