सिंधू, प्रणॉय तिसऱ्या फेरीत

पी.व्ही. सिंधू आणि एच.एस. प्रणॉय यांनी मकाऊ बॅडमिंटन खुल्या स्पर्धेत तिसऱ्या फेरीत आगेकूच केली. मात्र अजय जयरामला पराभवाला सामोरे जावे लागले. पाचव्या मानांकित सिंधूने कोरियाच्या किम ह्य़ो मिनवर २१-१३, २२-२० असा विजय मिळवला. पुरुषांमध्ये सातव्या मानांकित प्रणॉयने तैपेईच्या लिन चिआ ह्युसानवर २१-१९, २१-१५ अशी मात केली. बी.साईप्रणीतने उझबेकिस्तानच्या आटय़रेम सॅव्हटय़ुगिनला २१-११, २१-८ असे नमवले. चीनच्या लिन गिपूने अजयवर २१-११, २१-१७ असा विजय मिळवला. महिला दुहेरीत जपानच्या युकी फुकूशिमा आणि सायाका हिरोता जोडीने ज्वाला गट्टा आणि अश्विनी पोनप्पा जोडीचा २१-१६, २१-१५ असा पराभव केला.