सहा फुटबॉलपटूंची डेंग्यूमुळे माघार

सहापैकी दोघांना डेंग्यू तर एकाला मलेरिया झाल्याचे निष्पन्न झाले असून अन्य चार जणांच्या रक्तातील पेशींची संख्या कमी झाली आहे.

अखिल भारतीय फुटबॉल महासंघातर्फे (एआयएफएफ) या स्पर्धेचे आयोजन करण्यात आले आहे. महाराष्ट्र संघातील एका अधिकाऱ्याने सांगितले की, ‘‘संघातील आठ मुलांना विविध चाचण्यांसाठी विविध रुग्णालयांमध्ये पाठवण्यात आले होते. त्यापैकी सहा मुले हॉटेलमध्ये परतली आहेत. मात्र त्यापैकी चार जण रक्तातील पेशींची संख्या कमी झाल्यामुळे रविवारच्या सामन्यात खेळू शकणार नाहीत. त्यांच्या डेंग्यूच्या अहवालाची आम्हाला प्रतीक्षा आहे.’’

‘‘संघातील काही मुले दमण आणि दीवविरुद्ध खेळू शकणार नसली तरी उपलब्ध खेळाडूंसह आम्हाला या सामन्यात उतरावे लागेल,’’ असेही त्यांनी सांगितले.