SL vs BAN: वयाच्या ३६ व्या वर्षी बांगलादेशच्या यष्टीरक्षकाने दाखवली अप्रतिम चपळाई, एका हाताने घेतला आश्चर्यकारक झेल

श्रीलंकेसाठी पुनरागमन करणारा कुसल परेरा ४ धावा काढून पहिल्याच षटकात बांगलादेशचा गोलंदाज शरीफुल इस्लामचा बळी ठरला. शरीफुल इस्लामच्या षटकातील शेवटचा चेंडू जो चौथ्या यष्टीवर आला, कुसल परेराला या चेंडू ड्रायव्ह मारायचा होता, पण चेंडू बॅटच्या बाहेरच्या काठावर आदळला आणि पहिल्या स्लिपमध्ये गेला. पण हा झेल टिपण्यासाठी यष्टीरक्षक फलंदाज मुशफिकुर रहीमने डावीकडे हवेत डायव्हिंग करत हा झेल टिपला. हा चेंडू सहज पहिल्या स्लीप क्षेत्ररक्षकाकडे जात होता, मात्र ३६ वर्षीय मुशफिकर रहीमने हा झेल घेऊन सर्वांना आश्चर्यचकित केले.

बांगलादेशविरुद्धच्या सामन्यात श्रीलंकेने आपल्या प्लेइंग इलेव्हनमध्ये दोन बदल केले आहेत. कुसल परेरा आणि धनंजय डी सिल्वा यांना संधी देण्यात आली आहे, तर करुणारत्ने आणि हेमंता यांना संघाबाहेर ठेवण्यात आले आहे. मुशफिकर रहीमच्या या झेलचे सोशल मीडियावर कौतुक होत आहे. सोशल मीडिया चाहत्यांनी या झेलला ‘कॅच ऑफ द टूर्नामेंट’ असेही म्हटले आहे.

श्रीलंका (प्लेइंग इलेव्हन): पाथुम निसांका, कुसल परेरा, कुसल मेंडिस (यष्टीरक्षक/कर्णधार), सदिरा समराविक्रामा, चारिथ असालंका, अँजेलो मॅथ्यूज, धनंजय डी सिल्वा, महिष थेक्षाना, दुष्मंथा चमीरा, कसून रजिथा, दिलशान मधुशांका.

हेही वाचा – Roshan Ranasingha: भारताविरुद्धच्या पराभवानंतर श्रीलंका क्रिकेट बोर्ड निलंबित, अर्जुन रणतुंगा यांची हंगामी अध्यक्ष म्हणून नियुक्ती

बांगलादेश (प्लेइंग इलेव्हन): तनजीद हसन, लिटन दास, नजमुल हुसेन शांतो, मुशफिकुर रहीम (यष्टीरक्षक), महमुदुल्लाह, शकिब अल हसन (कर्णधार), तौहीद ह्रदोय, मेहदी हसन मिराज, तनजीद हसन शाकिब, तस्किन अहमद, शरीफुल इस्लाम.