SL vs NZ Sri Lanka win their sixth consecutive ODI series at home : पल्लेकेले येथील पीएलए स्टेडियमवर पावसाने प्रभावित झालेल्या सामन्यात न्यूझीलंडचा तीन गडी राखून पराभव करून ३ सामन्यांच्या वनडे मालिकेत श्रीलंकेने २-० अशी अभेद्य आघाडी घेतली आहे. कमी धावसंख्येच्या सामन्यात, कुसल मेंडिसने बॅटने आश्चर्यकारक कामगिरी केली आणि संघाला विजय मिळवून देण्यात महत्त्वाची भूमिका बजावली. अशा प्रकारे श्रीलंका संघाचा विजयरथ सनथ जयसूर्याच्या कोचिंगखाली काही महिन्यांपासून सुसाट धावताना दिसत आहे.
श्रीलंकेने मायदेशात सलग सहावी वनडे मालिका जिंकली –
श्रीलंकेने मायदेशात सलग सहावी द्विपक्षीय वनडे मालिका जिंकली आहे.. जुलै २०२१ मध्ये भारताकडून पराभूत झाल्यापासून ते मायदेशात सलग १० मालिकेत अपराजित आहेत. या वर्षी, श्रीलंकेने पाच द्विपक्षीय एकदिवसीय मालिका जिंकल्या आहेत, जे केवळ याआधी २०१४ मध्येच साध्य करता आले होते. त्याचबरोबर श्रीलंकेने नो नोव्हेंबर २०१२ पासून न्यूझीलंडविरुद्ध पहिलीच मालिका जिंकली आहे. सनथ जयसूर्याच्या प्रशिक्षणाखाली संघ पूर्णपणे बदलला आहे आणि जुन्या फॉर्ममध्ये परतला आहे.
सनथ जयसूर्याच्या प्रशिक्षणाखाली श्रीलंकेची कामगिरी –
- भारताविरुद्धची एकदिवसीय मालिका जिंकली.
- इंग्लंडविरुद्धचा कसोटी सामना इंग्लंडमध्ये जिंकला.
- कसोटी मालिकेत न्यूझीलंडचा पराभव केला.
- वेस्ट इंडिजविरुद्धच्या टी-२० मालिका जिंकली.
- वेस्ट इंडिजविरुद्धच्या एकदिवसीय मालिकेत विजय.
- न्यूझीलंडविरुद्धची टी-२० मालिका अनिर्णित.
- न्यूझीलंडविरुद्धची एकदिवसीय मालिका जिंकली.
श्रीलंका आणि न्यूझीलंड यांच्यात खेळल्या गेलेल्या दुसऱ्या एकदिवसीय सामन्यात पावसाचा परिणाम दिसून आला. त्यामुळे सामना ४७-४७ षटकांचा करण्यात आला. या सामन्यात श्रीलंकेच्या कर्णधाराने नाणेफेक जिंकून प्रथम गोलंदाजी करण्याचा निर्णय घेतला. किवी संघ प्रथम फलंदाजीसाठी उतरला आणि ४५.१ षटकांत २०९ धावांवर गारद झाला.
आता श्रीलंकेला ४७ षटकांत २१० धावांचे लक्ष्य गाठायचे होते, जे त्यांच्या संघाने ४६ षटकांत म्हणजे एक षटक आणि ३ गडी राखून २१० धावा केल्या आणि सामना सहज जिंकला. श्रीलंकेच्या विजयात कुशल मेंडिसची भूमिका महत्त्वाची होती. त्याच्या ७४ धावांच्या शानदार खेळीमुळे श्रीलंकेने सामना जिंकला. एका टोकाकडून तो एकटाच धावा काढत होता. या खेळीसाठी त्याला सामनावीर म्हणून गौरविण्यात आले.
© IE Online Media Services (P) Ltd