स्मृती मंधाना इंग्लंडमध्ये चमकली, अवघ्या १८ चेंडूत धडाकेबाज अर्धशतकी खेळी

इंग्लंडमधील KIA Super League स्पर्धेत भारताच्या स्मृती मंधानाने धडाकेबाज अर्धशतकी खेळी केली आहे. वेस्टर्न स्ट्रॉम संघाकडून खेळताना स्मृतीने १८ चेंडूत ५० धावा पटकावल्या. लॉगबर्ग लाईटनिंग संघाच्या गोलंदाजांची स्मृतीने संपूर्ण सामन्यात अक्षरशः धुलाई केली. याच खेळीसोबत स्मृती मंधानाने महिला टी-२० क्रिकेटमध्ये सर्वात जलद अर्धशतक झळकावणाऱ्या न्यूझीलंडच्या सोफी डिव्हाईनशी बरोबरी केली आहे. स्मृती KIA Super League स्पर्धेत खेळणारी पहिली भारतीय महिला खेळाडू ठरली आहे. स्मृतीने या सामन्यात १९ चेंडूंमध्ये ५२ धावांची खेळी केली. या खेळीत ५ चौकार आणि ४ षटकारांचा समावेश होता.