SAW vs ENGW test: सध्या क्रिकेट सामन्यांमध्ये डीआरएस डिसीजन रिव्ह्यू सिस्टीमला खूप महत्त्व आहे. सामन्याचा रोख बदलण्यासाठी एक विकेट खूप महत्त्वाची असते. त्यामुळे डीआरएसचा सामन्यात मोठा फायदा असतो. पण आता एका कसोटी सामन्यात डीआरएसचा वापरच होणार नाही आहे. डीआरएशिवाय हा कसोटी सामना खेळवला जाणार आहे. यामागचं नेमकं कारण काय आहे जाणून घेऊया.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

दक्षिण आफ्रिकेचा महिला संघ २२ वर्षांनंतर घरच्या मैदानावर कसोटी सामना खेळणार असून त्यात डीआरएस नसणार आहे. आफ्रिका महिला संघ इंग्लंड महिला संघादरम्यान एकमेव कसोटी खेळणार आहे. उभय संघांमधील सामना ब्लोमफॉन्टेन येथे होणार आहे. EPSNcricinfo च्या वृत्तानुसार, कसोटी सामन्यापूर्वी दोन्ही संघांमध्ये तीन एकदिवसीय आणि तीन टी-२० सामन्यांची मालिका होती, ज्यामध्ये DRS चा वापर करण्यात आला होता. हे तंत्रज्ञान खूप महाग आहे आणि या कारणास्तव कसोटीमध्ये वापरले जाणार नाही.

हेही वाचा – IND vs AUS: सिराजची युक्ती अन् नितीश रेड्डीने मिळवून दिली विकेट, लबुशेनला बेल्सची परत अदलाबदली करणं पडलं महागात; VIDEO व्हायरल

क्रिकेट दक्षिण आफ्रिकेने केवळ एकदिवसीय आणि टी-२० सामन्यांसाठी डीआरएस तंत्रज्ञान उपलब्ध करून देण्याचा निर्णय घेतला आहे. कारण टी-२० रँकिंग आणि महिला चॅम्पियनशिपच्या दृष्टीने टी-२० आणि एकदिवसीय सामने त्यांच्यासाठी महत्त्वाचे आहेत. दक्षिण आफ्रिकेचे राष्ट्रीय संघ आणि उच्च कार्यप्रदर्शन संचालक, एनोक एनक्वे म्हणाले की, सध्याच्या महिला आंतरराष्ट्रीय क्रिकेटमध्ये एकदिवसीय आणि टी-२० क्रिकेटा जास्त महत्त्व असल्यामुळे, संसाधने मर्यादित षटकांच्या क्रिकेटसाठी वापरली जात आहेत .

हेही वाचा – ३ दिवसांत पाकिस्तानच्या तीन खेळाडूंनी जाहीर केली निवृत्ती, भारताविरूद्ध पदार्पण करणाऱ्या ‘या’ गोलंदाजाने क्रिकेटला केलं अलविदा

दक्षिण आफ्रिकेचा महिला संघ इंग्लंडविरुद्धच्या मालिकेपूर्वीच एकदिवसीय विश्वचषकासाठी पात्र ठरला होता. पण त्यांचे लक्ष्य महिला चॅम्पियनशिपच्या गुणतालिकेत अव्वल स्थानी राहण्याचे होते. सध्या संघ एकदिवसीय क्रमवारीत चौथ्या आणि टी-२० आंतरराष्ट्रीय क्रमवारीत पाचव्या स्थानावर आहेत. इंग्लंडविरुद्ध खेळल्या गेलेल्या मालिकेत डीआरएसमध्ये बिघाड झाला होता.

हेही वाचा – Mohammed Shami: शमीला ऑस्ट्रेलिया नाही हैदराबादचं मिळालं तिकीट, गाबा कसोटीदरम्यान आली मोठी अपडेट

पहिल्या एकदिवसीय सामन्यात दक्षिण आफ्रिकेच्या लक्ष्याचा पाठलाग करताना लॉरेन बेलचा चेंडू ताजमीन ब्रिट्सच्या पॅडला लागला आणि तिला पायचीत असल्याने बाद घोषित करण्यात आले. तिला रिव्ह्यू घ्यायचा होता, पण तांत्रिक बिघाडामुळे ती रिव्ह्यू घेऊ शकली नाही.