दुखापतीमुळे मॅकलरेनची माघार

दक्षिण आफ्रिकेचा अष्टपैलू खेळाडू रायन मॅकलरेन दुखापतीमुळे ऑस्ट्रेलियाविरुद्धच्या दुसऱ्या क्रिकेट कसोटीत खेळू शकणार नाही. पहिल्या कसोटीत मिचेल जॉन्सनचा चेंडू त्याच्या हेल्मेटवर आदळला होता. मॅकलरेनच्या डोक्याला मुका मार बसला आहे. त्याला रुग्णालयात दाखल करण्यात आले होते. सोमवारी त्याला रुग्णालयातून सोडण्यात आले आहे, मात्र त्याला विश्रांतीचा सल्ला देण्यात आला आहे. दुसरी कसोटी २० फेब्रुवारापासून सुरू होत आहे.