राफेल नदालची विम्बलडन आणि टोकियो ऑलिम्पिक स्पर्धेतून माघार

स्पेनचा स्टार टेनिसपटू राफेल नदाल याने विम्बलडन आणि टोकियो ऑलिम्पिक स्पर्धेतून माघार घेत असल्याचं जाहीर केलं आहे. शारीरिक थकवा जाणवत असल्याने या स्पर्धांमधून माघार घेत असल्याचं त्याने सांगितलं आहे. विम्बलडन स्पर्धा सुरु होण्याच्या ११ दिवसांपूर्वी त्याने हा निर्णय घेतला आहे. तर टोकियो ऑलिम्पिक २३ जुलैपासून सुरु होणार आहे. राफेल नदालने नुकताच फ्रेन्च ओपन स्पर्धेत सहभाग घेतला होता. मात्र या स्पर्धेत जोकोविचकडून पराभवाचं तोंड पाहावं लागलं होतं.