भारताच्या दीपिका जोसेफ व जोश्ना चिनप्पा या गुणवान खेळाडूंनी टोरांटो ग्रेनाईट ओपन स्क्वॉश स्पर्धेतील एकेरीत उपांत्यपूर्व फेरी गाठली. दीपिका या तृतीय मानांकित खेळाडूने वेल्स संघाच्या तेस्नी इव्हान्स हिला ८-११, ११-८, ११-५, ११-७ असे हरविले. तिची आता इंग्लंडच्या जेनी डुंकाल्फ हिच्याशी गाठ पडणार आहे. दीपिकाच्या तुलनेत जोश्नाने सहज विजय मिळविला. तिने कॅनडाची खेळाडू निक्की टॉड हिचे आव्हान ११-८, ११-८, ११-६ असे संपुष्टात आणले. तिला ऑस्ट्रेलियाच्या रॅचेल ग्रीनहॅम हिच्याशी झुंज द्यावी लागणार आहे.