श्रीलंका विजयाच्या उंबरठय़ावर

विजयासाठी मिळालेल्या २७१ धावांचा पाठलाग करताना पाकिस्तानची चौथ्या दिवसअखेर ७ बाद १२७ अशी घसरगुंडी उडाली आहे. श्रीलंकेला कसोटी विजयासाठी ३ विकेट्सची आवश्यकता आहे तर पाकिस्तानला अजूनही १४४ धावांची गरज आहे. २ बाद १७७ वरुन पुढे खेळणाऱ्या श्रीलंकेचा डाव २८२ धावांवर आटोपला. कुमार संगकाराने ५९ तर महेला जयवर्धनेने ५४ धावांची खेळी साकारली. पाकिस्तानतर्फे वहाब रियाझ आणि सईद अजमल यांनी प्रत्येकी ३ बळी घेतले. आव्हानात्मक लक्ष्याचा पाठलाग करताना पाकिस्तानची घसरगुंडी उडाली. रंगना हेराथने सर्वाधिक ४ बळी घेतले. खेळ संपला तेव्हा सर्फराझ अहमद ३८ तर वहाब रियाझ २ धावांवर खेळत आहे. दोन सामन्यांच्या मालिकेत श्रीलंका १-० आघाडीवर आहे.