VIDEO : ले पंगा..! प्रो कबड्डी लीगच्या नव्या हंगामाचा प्रोमो रिलीज; नव्या अवतारात दिसला महेंद्रसिंह धोनी!

प्रो कबड्डीच्या प्रोमोमध्ये महेंद्रसिंह धोनी एका खास अवतारात दिसत आहे. प्रोमोची थीम ‘तू ले पंगा है’ आहे, तर त्याचे घोषवाक्य ‘भिडेगा तो बढेगा’ आहे. या एका मिनिटाच्या प्रोमोमध्ये धोनी दिसला आहे. संपूर्ण प्रोमोमध्ये धोनीला लोकांसाठी प्रेरणेचे प्रतीक म्हणून पाहिले जात आहे.

हेही वाचा – न्यूझीलंडविरुद्धची मोहीम फत्ते केल्यानंतर खूश झालाय द्रविड; पाहुण्यांचं ‘पानिपत’ केल्यावर म्हणतो, ‘‘मालिकाविजय हा…”

प्रो कबड्डीच्या आठव्या हंगामातील सर्व सामने प्रेक्षकांशिवाय खेळवले जातील. तसेच, सर्व लीग सामने एकाच ठिकाणी खेळवले जातील, बायो बबलमध्ये राहणाऱ्या लीग सदस्यांच्या संपर्कात बाहेरील कोणीही येऊ शकणार नाही. धोनी सध्या कबड्डीला प्रोत्साहन देत असला, तरी पुढील वर्षी तो क्रिकेटच्या मैदानात दिसणार आहे. आगामी आयपीएलमध्ये तो पुन्हा एकदा खेळताना दिसणार आहे. त्याला नुकतेच चेन्नई सुपर किंग्जने १२ कोटी रुपयांना रिटेन्शन प्रक्रियेत कायम ठेवले आहे.