स्टीव्ह स्मिथने बॉल टॅम्परिंगच्या शिक्षेसंबंधी घेतला हा निर्णय

प्रत्यक्ष बॉल टॅम्परिंग करणारा सलामीवीर कॅमरुन बॅनक्रॉफ्टवर नऊ महिन्यांची बंदी घालण्यात आली आहे. दक्षिण आफ्रिकेविरुद्धच्या तिसऱ्या कसोटी सामन्यात या तिघांनी मिळून बॉल टॅम्परिंग केले होते.

I would give anything to have this behind me and be back representing my country. But I meant what I said about taking full responsibility as Captain of the team. I won’t be challenging the sanctions. They’ve been imposed by CA to send a strong message and I have accepted them.

— Steve Smith (@stevesmith49) April 4, 2018

या तिघांनी आपण चूक केल्याचे कबूल केले आहे. स्मिथ आणि वॉर्नरला जाहीर पत्रकार परिषदेत चूक कबूल करताना रडू कोसळले होते. त्यामुळे त्या तिघांबद्दल ऑस्ट्रेलियासह क्रिकेट जगतातून मोठया प्रमाणातून सहानुभूती व्यक्त होत आहे. गुरुवारपर्यंत या तिघांना शिक्षा मान्य करणार कि, शिक्षेला आव्हान देणार ते क्रिकेट ऑस्ट्रेलियाला कळवायचे आहे. शिक्षेला आव्हान देण्याचा या तिघांनाही अधिकार आहे.
वॉर्नर आणि बॅनक्रॉफ्टने अद्याप यावर निर्णय घेतलेला नाही. पण स्मिथने सोशल मीडियावरुन आपण पूर्ण वर्षभराची बंदीची शिक्षा भोगणार असल्याचे स्पष्ट केले आहे.

स्मिथची ऑस्ट्रेलियामध्ये फलंदाजीच्या बाबतीत सर डॉन ब्रॅडमन यांच्याबरोबर तुलना केली जाते. कसोटी क्रिकेटमध्ये जागतिक क्रमवारीत पहिल्या स्थानावर असलेल्या स्मिथवर बॉल टॅम्परिंगच्या पूर्ण कटाची माहिती असल्याचा आरोप आहे. वॉर्नरने कट रचला आणि बॅनक्रॉफ्टने कटाची अंमलबजावणी केली. या प्रकरणामुळे स्मिथला आयपीएलमध्येही खेळता येणार नसून प्रायोजकांनीही त्याच्याकडे पाठ फिरवली आहे.