Sunrisers Hyderabad Orange Armour Jersey: इंडियन प्रीमियर लीग २०२३ साठी, सर्व संघ त्यांच्या नवीन जर्सी लाँच करत आहेत. मुंबई इंडियन्स ते लखनौ सुपर जायंट्सने आयपीएल २०२३ साठी त्यांच्या नवीन जर्सी लाँच केल्या आहेत. दरम्यान, एकेकाळचा चॅम्पियन संघ सनरायझर्स हैदराबादनेही गुरुवारी आपली नवीन जर्सी (SRH Jersey 2023) लाँच केली आहे. एसआरएच संघाने यावेळी त्यांच्या जर्सीत अनेक बदल केले आहेत.
सनरायझर्स हैदराबाद फ्रँचायझीने आगामी आयपीएल हंगामासाठी आपल्या नवीन जर्सीला ऑरेंज आर्मर असे नाव दिले आहे. संघाच्या जर्सीची रचना हैदराबाद शहराच्या समृद्ध सांस्कृतिक वारशातून प्रेरित आहे. ऑरेंज हा तेलंगणा राज्याचा अधिकृत रंग आहे. या कारणास्तव, संघाने २०१३ पासून सर्व हंगाम या रंगाने खेळले आहेत. यावेळी संघाच्या जर्सीमध्ये स्लीव्ह आणि खांद्यावर काळा आणि केशरी रंग देण्यात आला आहे. जे या जर्सीला सुंदर बनवत आहे. हैदराबादने त्याचा व्हिडिओ सोशल मीडियाच्या ट्विटर अकाउंटवर शेअर केला असून या व्हिडिओमध्ये उमरान मलिक, मयंक अग्रवाल आणि वॉशिंग्टन सुंदर दिसत आहेत.
आयपीएल २०२३ साठी, सनरायझर्स हैदराबादने जर्सी व्यतिरिक्त त्यांच्या संघात बरेच बदल केले आहेत. एसआरएचने आगामी हंगामासाठी एडन मार्करामला त्यांचा नवा कर्णधार म्हणून नियुक्त केले आहे. त्याचबरोबर संघाने गोलंदाजीपासून फलंदाजी प्रशिक्षकापर्यंत बदल केले आहेत. यावेळी संघाने आपल्या संघात मयंक अग्रवाल आणि हॅरी ब्रूकसारख्या धडाकेबाज फलंदाजांचा समावेश केला आहे.
सनरायझर्स हैदराबादचा संपूर्ण संघ –
हॅरी ब्रूक, राहुल त्रिपाठी, अभिषेक शर्मा, कार्तिक त्यागी, टी नटराजन, भुवनेश्वर कुमार, एडन मार्कराम, अब्दुल समद, उमरान मलिक, वॉशिंग्टन सुंदर, मार्को जॉन्सन, ग्लेन फिलिप्स, फझलहक फारुकी, मयंक अग्रवाल, हेनरिक क्लासेन, आदिल रासन, मार्क्सन, मयंक मार्कंडे, नितीश कुमार रेड्डी, अकिल हुसेन, अनमोलप्रीत सिंग, विव्रत शर्मा, समर्थ व्यास, सनवीर सिंग, उपेंद्र सिंग यादव, मयंक डागर.
