T20 WC: भारताचा पराभव करताच पाकिस्तानला मिळाला ‘मौका’; प्रत्युत्तरात ‘ही’ जाहिरात व्हायरल

पाकिस्तानने भारताला पराभूत करताच आता प्रत्युत्तरात एक जाहिरात समोर आली आहे. या जाहिरातीत भारताच्या पराभवानंतर भारतीय चाहते निराश दिसत आहेत. मात्र पाकिस्तानचे चाहते पुढे येत अश्रू पुसण्यासाठी टिश्यू देतात. ही जाहिरात २०१७ चॅम्पियन ट्रॉफीवेळी तयार करण्यात आली होती. आता ही जाहिरात पुन्हा एकदा व्हायरल झाली आहे.

दुबई येथे झालेल्या या सामन्यात भारताचे पारडे जड मानले जात होते. मात्र, कोहलीच्या संघाला अपेक्षित खेळ करण्यात अपयश आले. १५२ धावांचे लक्ष्य पाकिस्तानने १७.५ षटकांत गाठत टी-२० विश्वचषकात भारतावर सहा प्रयत्नांत पहिल्या विजयाची नोंद केली. रिझवानने ५५ चेंडूत सहा चौकार आणि तीन षटकारांच्या सहाय्याने नाबाद ७९ धावांची, तर आझमने ५२ चेंडूत सहा चौकार, दोन षटकारांच्या मदतीने नाबाद ६८ धावांची खेळी साकारली. रिझवान आणि आझम या भरवशाच्या सलामीवीरांनी या वर्षांतील चौथी शतकी भागीदारी रचली. हा एक विक्रम ठरला. २०२१ या वर्षामध्ये जगातील कोणत्याच संघाच्या दोन फलंदाजांना हा पराक्रम करता आलेला नाही. विराटनेही सामना संपल्यानंतर या दोघांचं अभिनंदन केल्याचं पहायला मिळालं