T20 World Cup : ओमानची कमाल..! सलामीच्या सामन्यात पापुआ न्यू गिनीला दाखवला ‘दस का दम’

१३० धावांच्या लक्ष्याचा पाठलाग करताना आकिब आणि जतिंदरने ओमानला चांगली सुरुवात दिली. पॉवरप्लेमध्येच संघाने कोणतीही विकेट न गमावता ४६ धावा जोडल्या. यानंतर या दोघांनी १२व्या षटकातच १०० चा आकडा पार केला. जतिंदरने षटकारासह आपले अर्धशतक पूर्ण केले. त्याने १२व्या षटकाच्या तिसऱ्या चेंडूवर षटकार ठोकला आणि वैयक्तिक धावसंख्या ५५ धावा केली. त्यानंतर आकिबनेही डावाच्या १४ व्या षटकाच्या तिसऱ्या चेंडूवर आपले अर्धशतक पूर्ण केले.

हेही वाचा – अबब..! टीम इंडियाचा मुख्य प्रशिक्षक म्हणून राहुल द्रविड घेणार ‘इतकं’ मानधन

तत्पूर्वी, ओमानचा कर्णधार जीशानने अवघ्या २० धावांत ४ बळी घेतले, त्याला सामनावीर म्हणूनही गौरवण्यात आले. पीएनजी कर्णधार असद वाला याने शानदार अर्धशतक झळकावले. त्याने ४३ चेंडूत ४ चौकार आणि ३ षटकार मारले. असदने चार्ल्स अमिनी (३७) सोबत तिसऱ्या विकेटसाठी ८१ धावा जोडल्या. ओमानकडून बिलाल खान आणि कलीमुल्लाहनेही 2-2 विकेट्स घेतल्या.