T20 WC: अरेरे..! अवघ्या ४४ धावांत नेदरलँड्सचा पालापाचोळा!

टी-२० विश्वचषकात नेदरलँड संघ दुसऱ्यांदा ५०च्या आत सर्वबाद झाला आहे. याआधी २०१४च्या विश्वचषकात श्रीलंकेविरुद्ध तो ३९ धावांवर सर्वबाद झाला होता. नेदरलँड्सकडून अकरमनला (११) फक्त दुहेरी आकडा गाठता आला. लंकेकडून लहिरू कुमारा आणि वनिंदू हसरंगा यांनी प्रत्येकी ३ बळी घेतले.

हेही वाचा – T20 WC: ऐतिहासिक कामगिरी करणाऱ्या नामिबियाचा ‘तो’ खेळाडू आधी विराटच्या संघातून खेळायचा!

प्रत्युत्तरात लंकेला ही धावसंख्या गाठताना दोन धक्के बसले. दुसऱ्याच षटकात ब्रेंडन ग्लोवरने लंकेचा सलामीवीर पाथुम निसांकाला शून्यावर बाद केले. त्यानंतर सहाव्या षटकात चरिथ असलांका बाद झाला. दुसरा सलामीवीर कुसल परेरा (नाबाद ३३) आणि अविष्का फर्नांडोने आठव्या षटकात विजयावर शिक्कामोर्तब केले. लंकेचा गोलंदाज लहिरू कुमाराला सामनावीर पुरस्कार मिळाला.