टी-२० विश्वकरंडक २०२१ स्पर्धेत चाहत्यांना चित्तथरारक उपांत्य फेरीचा सामना अनुभवायला मिळाला. २०१९च्या विश्वविजेतेपदाची हुलकावणी मिळालेल्या न्यूझीलंडने इंग्लंडसोबत हिशोब चुकता करत अंतिम फेरीत प्रवेश नोंदवला. पूर्वार्ध आणि मध्यांतरात पूर्णपणे इंग्लंडच्या हाती असलेला सामना जिमी नीशम आणि सलामीवीर डॅरिल मिशेलला फिरवला. अबुधाबीच्या शेख झायेद क्रिकेट स्टेडियमवर न्यूझीलंडचा कप्तान केन विल्यमसनने नाणेफेक जिंकून प्रथम गोलंदाजीचा निर्णय घेतला. डेव्हिड मलान आणि मोईन अली यांनी केलेल्या उपयुक्त खेळींमुळे इंग्लंडने २० षटकात ४ बाद १६६ धावा केल्या. मलानचे अर्धशतक हुकले, पण अलीने नाबाद ५१ धावांची खेळी केली. प्रत्युत्तरात न्यूझीलंडने संथ सुरुवात करत महत्वाच्या विकेट गमावल्या. पण डेव्हॉन कॉन्वे, डॅरिल मिशेल आणि जिमी नीशन यांनी जबरदस्त फलंदाजी केली. शेवटच्या ५ षटकात न्यूझीलंडला ६० धावांची गरज होती, पण त्यांनी ४ षटकातच लक्ष्य गाठले आणि सामना ५ गडी राखून जिंकला. नाबाद ७२ धावांची खेळी केलेल्या मिशेलला सामनावीर पुरस्काराने गौरवण्यात आले. न्यूझीलंडने पहिल्यांदाच टी-२० वर्ल्डकपच्या फायनलमध्ये प्रवेश नोंदवला आहे.
T20 WC ENG vs NZ Semifinal : हिशोब चुकता..! चित्तथरारक लढतीत इंग्लंडला नमवत न्यूझीलंड फायनलमध्ये
अबुधाबीच्या शेख झायेद स्टेडियमवर न्यूझीलंडनं इंग्लंडला ५ गड्यांनी मात दिली.
Updated:
या बातमीसह सर्व प्रीमियम कंटेंट वाचण्यासाठी साइन-इन करा
या बातमीसह सर्व प्रीमियम कंटेंट वाचण्यासाठी साइन-इन करा
Already have an account? Sign in
First published on: 10-11-2021 at 17:41 IST
Web Title: T20 world cup england vs new zealand semifinal live updates adn
