भारतीय क्रिकेट संघाचा फंलदाज आणि माजी कर्णधार विराट कोहली सध्या चांगल्या फॉर्ममध्ये असून टी-२० वर्ल्डकपमध्ये तिसरं अर्धशतक झळकावलं. विराट कोहलीने नाबाद ६४ धावा केल्या असून चार चौकार आणि एक षटकाराचा समावेश होता. विराट कोहलीने संयमी खेळी करत के एल राहुलसोबत ६७ धावांची भागीदारीही केली. दरम्यान विराट मैदानात एका क्षणी वातावरण तापलं होतं. विराटने नो बॉल का दिला नाही अशी विचारणा अम्पायरकडे केली. यानंतर शाकिब अल हसन विराटकडे धावत आला होता.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

नेमकं काय झालं?

१६ व्या ओव्हरच्या शेवटच्या चेंडूवर शॉर्ट बॉल टाकल्यानंतर कोहलीने त्यावर फटका लगावला. मात्र यानंतर त्याने लगेचच स्क्वेअर लेग अम्पायरकडे पाहत या चेंडूवर आक्षेप नोंदवला.

आणखी वाचा

विराट कोहली अम्पायरसोबत वाद घालत असताना शाकिब अल हसन धावत आला. यावेळी त्याने विराटची समजून घातली आणि हसत चर्चा करु लागला. यानंतर दोघेही एकमेकांशी बोलले आणि पुन्हा खेळ सुरु झाला.

भारताने बांगलादेशसमोर १८५ धावांचं आव्हान दिलं होतं. बांगलादेशने चांगली सुरुवात करत ७ षटकांमध्ये ६६ धावा केल्या होत्या. पण पाऊस पडल्याने षटकं कमी करण्यात आली. यानंतर बांगलादेशसमोर १६ षटकांमध्ये १५१ धावांचं आव्हान होतं. शेवटच्या चेंडूपर्यंत रंगलेला हा सामना भारताने पाच धावांनी जिंकला.