Team India Help Pakistan to reach the semifinals How IND vs SL Afghanistan Match Will Change Point Table Of World Cup Highlights

IND vs SL World Cup Point Table: पाकिस्तानला पुढे जाण्यासाठी भारताचा विजय अत्यंत महत्त्वाचा आहे. नेमकं हे गणित काय चला पाहूया..

Written by सिद्धी शिंदे

November 1, 2023 16:14 IST

Team India Help Pakistan to reach the semifinals How IND vs SL Afghanistan Match Will Change Point Table Of World Cup Highlights

भारत व अफगाणिस्तानच्या खेळावर पाकिस्तानला मदत होऊ शकते का? (फोटो: लोकसत्ता ग्राफिक्स टीम)

India Help Pakistan To Reach World Cup Semis: बांगलादेशवर सात गडी राखून विजय मिळवून पाकिस्तानने विश्वचषकातील आपली पराभवाची स्ट्राईक मोडली आहे. या पराभवासह बांगलादेश स्पर्धेबाहेर फेकला गेला आहे. मात्र पाकिस्तान अजूनही उपांत्य फेरीच्या स्पर्धेत आहेत. पाकिस्तान आता अफगाणिस्तानला मागे टाकून पाचव्या स्थानावर पोहोचला आहे. विश्वचषकातील या तिसऱ्या विजयासह पाकिस्तानच्या खात्यात सहा पॉईंट्स आहेत तर अफगाणिस्तानकडे सुद्धा सहा पॉईंट आहेत मात्र नेट रन रेटमुळे पाकिस्तान पुढे आहे. यापुढे अफगाणिस्तानच्या हातात एक खेळ आहे तर पाकिस्तान आता न्यूझीलंड आणि इंग्लंडविरुद्ध खेळणार आहे. या दोन्ही सामन्यांमध्ये बाबर आझमच्या संघाला विजयी होणे अत्यावश्यक आहे.

पाकिस्तानचे आता आणखी फक्त दोन सामने शिल्लक असताना दोन्ही सामने जिंकूनही पाकिस्तान १० च गुण मिळवू शकतं. मात्र १० च्या पुढे जाण्याची संधी असणारे अन्य दोन संघ आता स्पर्धेत आहेत. त्यामुळे पाकिस्तानला उपांत्य फेरी गाठण्यासाठी इतरांच्या खेळीवर सुद्धा अवलंबून राहावे लागणार आहे. विशेष म्हणजे पाकिस्तानला पुढे जाण्यासाठी भारताचा विजय अत्यंत महत्त्वाचा आहे. नेमकं हे गणित काय चला पाहूया..

आणखी वाचा

IND vs PAK Mudassar Nazar says match-fixing incident cannot be repaired.

‘पाकिस्तान भारताकडून हरला की मॅच फिक्सिंगचे आरोप व्हायचे…’, पाकिस्तानच्या माजी खेळाडूचे मोठे वक्तव्य

aarya jadhao missing in Bigg boss marathi reunion

Bigg Boss Marathi 5: सर्व एलिमिनेटेड सदस्यांची घरात…

पाकिस्तानी संघाच्या हातात भारतीय राष्ट्रध्वज; व्हिडीओ व्हायरल होताच चर्चांना उधाण, कोणत्या स्पर्धेत घडली घटना?

IND vs BAN Basit Ali Slams PCB After India beat Bangladesh in Chennai Test

IND vs BAN : “वो जाहिल लोग है, उनको…”, भारताच्या विजयानंतर बासित अलीने पाकिस्तान क्रिकेट बोर्डाला फटकारले

IND vs BAN Indian Cricketer lost his grandmother during match

IND vs BAN सामन्यादरम्यान ‘या’ भारतीय खेळाडूवर कोसळला होता दुःखाचा डोंगर, तरीही त्याने पार पाडली जबाबदारी

IND vs BAN Team India squad announced for 2nd test match

IND vs BAN : बांगलादेशविरुद्धच्या दुसऱ्या कसोटीसाठी भारतीय संघ जाहीर! कोणत्या खेळाडूंना मिळाली संधी? जाणून घ्या

Test cricket match against Bangladesh India hold on to the match

भारताची सामन्यावर पकड; पंत, गिलच्या शतकानंतर अश्विनची फिरकी प्रभावी; बांगलादेश ४ बाद १५८

Virat Kohli Jersey Flaunts by Fan During Babar Azam Match in Pakistan Champions Cup video

Video: पाकिस्तानमध्ये विराटची जबरदस्त क्रेझ, बाबर आझमच्या सामन्यात चाहत्याने दाखवली किंग कोहलीची जर्सी

गुरुवार, २ नोव्हेंबरला भारत विरुद्ध श्रीलंका असा सामना होणार आहे. भारताने या सामन्यात श्रीलंकेचा पराभव केल्यास पाकिस्तानच्या अडचणी थोड्या कमी करू शकतात. दुसरीकडे अफगाणिस्तानने नेदरलँड, ऑस्ट्रेलिया आणि दक्षिण आफ्रिकेविरुद्धच्या त्यांच्या उर्वरित तीन सामन्यांपैकी फक्त एक सामना जिंकायला हवा, कारण त्यामुळे अफगाणिस्तानचे पॉईंट्स आठच राहतील. जर अफगाणिस्तानने दोन सामने जिंकले आणि त्यांच्याकडे १० गुण असतील तर पाकिस्तान नेट- रन-रेटवर पुढे येऊ शकते पण अफगाणिस्तानने तिन्ही सामने जिंकले, तर पाकिस्तानला दोन विजयही पुरेसे नसतील.

केवळ भारत व अफगाणिस्तानच्या खेळावर पाकिस्तानला मदत होऊ शकते का?

नाही, गुणतालिकेत 2, 3 आणि 4 क्रमांकावर असलेल्या संघांची कामगिरी सुद्धा पाकिस्तानसाठी महत्त्वाची असणार आहे. दक्षिण आफ्रिकेला (१० पॉईंट्स) उपांत्य फेरीत जाण्यासाठी आणखी एका विजयाची गरज आहे, तर न्यूझीलंड (८ पॉईंट्स) आणि ऑस्ट्रेलिया (८ पॉईंट्स) यांना आणखी दोन विजयांची गरज आहे. या संघांमध्ये, पाकिस्तान न्यूझीलंडशी खेळणार आहे, जिथे पाकिस्तानला काहीही करून विजयी व्हावे लागेल.

दक्षिण आफ्रिका आणि न्यूझीलंड एकमेकांशी खेळत असताना, पाकिस्तानसाठी दक्षिण आफ्रिका जिंकणे आवश्यक आहे. तसेच किवी पुन्हा श्रीलंकेकडून हरतील अशीही पाकिस्तानची प्रार्थना असणार आहे. जर न्यूझीलंडने दक्षिण आफ्रिका किंवा श्रीलंकेविरुद्ध दोनपैकी एक सामना जिंकला तर ते १० गुणांसह पुढे येतील आणि मग हा खेळ नेट रन रेटवर ठरेल.

हे ही वाचा<< IND vs ENG: रोहित शर्माची विकेट घेताना लिव्हिंगस्टोनचा गुडघा झाला लॉक अन्.. थरार पाहून प्रेक्षकांना भरली धडकी

अर्थात, जर दक्षिण आफ्रिकेने त्यांचे उर्वरित सामने जिंकले नाहीत, तर त्यांचे १० गुण होतील, पाकिस्तानला त्यांच्याशी बरोबरी करता येईल. तर इंग्लंड, अफगाणिस्तान आणि बांगलादेशविरुद्धचे सामने जिंकून ऑस्ट्रेलिया सुद्धा समसमान पातळीवर येऊ शकते. पाकिस्तानसाठी ऑस्ट्रेलियाने अफगाणिस्तानला हरवण्याची आणि मग स्वतः इंग्लंड आणि बांगलादेशकडून हरण्याची गरज आहे. ज्यामुळे त्यांचे गुण १० च होतील आणि पुन्हा नेट रन रेट निर्णायक ठरेल.

First published on: 01-11-2023 at 16:14 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Team india help pakistan to reach the semifinals how ind vs sl afghanistan match will change point table of world cup highlights svs

भारताच्या मदतीने पाकिस्तान विश्वचषक उपांत्य फेरीत? IND vs SL सामन्यानंतर अशी बदलतील गणितं

IND vs SL World Cup Point Table: पाकिस्तानला पुढे जाण्यासाठी भारताचा विजय अत्यंत महत्त्वाचा आहे. नेमकं हे गणित काय चला पाहूया..

केवळ भारत व अफगाणिस्तानच्या खेळावर पाकिस्तानला मदत होऊ शकते का?