भारतीय संघातील खेळाडूंना क्रिकेट साहित्य पुरवणारी NIKE ही कंपनी वादाच्या भोवऱ्यात सापडली आहे. टीम इंडियातील अनेक खेळाडुंनी NIKE कडून सध्या त्यांना देण्यात आलेल्या कीटचा दर्जा निकृष्ट असल्याचे म्हटले आहे. त्यामुळे भारतीय क्रिकेट नियामक मंडळाने (बीसीसीआय) NIKE विरोधात कडक पावले उचलण्याचे संकेत दिले आहेत. बीसीसीआयचे सीईओ राहुल जोहरी यांनी यासंदर्भात ‘दि इंडियन एक्स्प्रेस’शी बातचीच केली. त्यांनी म्हटले की, आम्ही लवकरच यासंदर्भात NIKE कंपनीशी बोलणार आहोत. त्यासाठी बैठकीची वेळही निश्चित करण्यात आली आहे. या बैठकीत हा प्रश्न सुटेल, अशी आशा जोहरी यांनी व्यक्त केली. यापूर्वी सर्वोच्च न्यायालयाने बीसीसीआयवर नेमलेल्या प्रशासकीय समितीच्या बैठकीला नाईकेच्या प्रतिनिधींनी हजेरी लावली होती. त्यावेळी प्रशासकीय समितीचे अध्यक्ष विनोद राय यांनी क्रिकेट साहित्याच्या निकृष्ट दर्जाविषयी चिंता व्यक्त केली होती.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
