निवृत्तीची चर्चा सोडा, धोनीसाठी निवड समितीने आखली खास योजना ! जाणून घ्या…

सुत्रांनी दिलेल्या माहितीनुसार, भारतीय संघ व्यवस्थापन ऋषभ पंतला आगामी मालिकांसाठी तयार करण्याच्या विचारात आहे. २०२० साली ऑस्ट्रेलियात होणाऱ्या टी-२० विश्वचषकासाठी ऋषभ पंत हा भारतीय संघासाठी यष्टीरक्षक म्हणून पहिली पसंती असणार आहे. या काळात धोनीने ऋषभ पंतचा मार्गदर्शक म्हणून काम पहावं अशी विनंती व्यवस्थापनाने धोनीला केली आहे. याचदरम्यान पंतला काही दुखापत झाल्यास, धोनी त्याला पर्यायी खेळाडू म्हणून संघात हजर असेल.

“जर ऋषभ पंत मध्येच दुखापतग्रस्त झाला, तर कोणाला संधी द्यायचची?? सध्याच्या घडीला एकही खेळाडू असा नाहीये, की जो धोनीच्या जवळपास जाऊ शकेल. ऋषभ पंत यापुढे तिन्ही प्रकारच्या क्रिकेटमध्ये यष्टीरक्षक म्हणून पहिली पसंती असणार आहे, मात्र त्याला धोनीचं मार्गदर्शन मिळणं गरजेचं आहे.” नाव न घेण्याच्या अटीवर सुत्राने माहिती दिली. दरम्यान ३ ऑगस्टपासून सुरु होणाऱ्या विंडीज दौऱ्यासाठी महेंद्रसिंह धोनीची संघात निवड करण्यात आलेली नाहीये.