World Cup 2023:  पाकिस्तानच्या तक्रारीवर ICCकडून कारवाई होण्याची शक्यता कमी, जाणून घ्या काय म्हणतात नियम?

अहमदाबादच्या नरेंद्र मोदी स्टेडियममध्ये एक लाखाहून अधिक प्रेक्षक उपस्थित होते. पाकिस्तानचे समर्थन करण्यासाठी पाकिस्तानी वंशाचे फक्त तीन अमेरिकन प्रेक्षक उपस्थित होते. मोहम्मद रिझवान बाद झाल्यानंतर पॅव्हेलियनमध्ये परतत असताना प्रेक्षकांच्या एका गटाने धार्मिक घोषणा दिल्या, त्यानंतर पीसीबीने आंतरराष्ट्रीय क्रिकेट परिषदेकडे (आयसीसी) तक्रार दाखल केली. पाकिस्तानचे क्रिकेट संचालक मिकी आर्थर यांनी कबूल केले की, भारताकडून सात विकेट्सने पराभव पत्करावा लागल्यावर त्यांचे खेळाडू गर्दीच्या आवाजाने त्रस्त झाले होते.

आणखी वाचा

Champions Trophy 2025 : चॅम्पियन्स ट्रॉफीसाठी ‘या’ देशाचा पाकिस्तानला पाठिंबा, BCCI शी पंगा घेणं पडू शकतं महागात

Nana Patole : निकालाआधी राजकीय घडामोडींना वेग; यातच…

पाकिस्तानात चँपियन्स ट्रॉफी खेळण्यासाठी भारताचा नकार का? पाकव्याप्त काश्मीरचा मुद्दा का चर्चेत?

Champions Trophy: ICC चा पाकिस्तान क्रिकेट बोर्डाला धक्का, POK मधील ‘चॅम्पियन्स ट्रॉफी’ करंडकाचा दौरा रद्द करण्याचे दिले आदेश

Champions Trophy 2025 : चॅम्पियन्स ट्रॉफी अन्य देशात हलवल्यास पाकिस्तान बोर्डाला कोट्यवधींचा फटका; कसा ते जाणून घ्या

IND vs AUS : ‘ते पहिल्याच सामन्यात कळेल…’, गंभीरने पॉन्टिंगची बोलती बंद केल्यानंतर माईक हसीचे मोठे वक्तव्य; म्हणाला, ‘भारताला त्रास होईल…’

चॅम्पियन्स करंडकाबाबत संभ्रमच! वेळापत्रक घोषणेचा आजचा कार्यक्रम ‘आयसीसी’कडून रद्द

AUS vs PAK : पाकिस्तानने २२ वर्षांनंतर ऑस्ट्रेलियात फडकावला झेंडा, वर्ल्ड चॅम्पियन संघाला घरच्या मैदानावर पाजलं पाणी

आयसीसीने तक्रारीची दखल घेतल्याचे समजते आणि पुढील प्रक्रिया शोधत आहे

भारतीय क्रिकेट नियामक मंडळ (बीसीसीआय) आणि आयसीसीसोबत काम केलेल्या एका वरिष्ठ अधिकाऱ्याने नाव न सांगण्याच्या अटीवर पीटीआयला सांगितले की, “आयसीसी प्रत्येक तक्रारीला गांभीर्याने घेते परंतु नियम व्यक्तींबद्दल आहे. मला माहित नाही की पीसीबीला काय हवे आहे, परंतु कोणतीही ठोस कारवाई करणे खूप कठीण आहे. ”

हेही वाचा: NZ vs AFG, World Cup: न्यूझीलंडची विजयी घौडदौड सुरूच! किवींनी अफगाणिस्तानचा १४९ धावांनी उडवला धुव्वा

ते पुढे म्हणाले, “जर वांशिक भेदभावाचे आरोप असतील तर आयसीसी त्या व्यक्तीची ओळख पटवू शकते पण जेव्हा हजारो लोक घोषणा देत होते तेव्हा तुम्ही काहीही करू शकत नाही. स्टेडियममध्ये फेकलेल्या कोणत्याही वस्तूमुळे कोणताही खेळाडू जखमी झाला नाही. प्रेक्षकांकडून पक्षपाती वृत्ती अपेक्षित होती. मोठ्या सामन्यांमध्ये असे दडपण असते.”

भारताविरुद्धच्या सामन्यात पाकिस्तानचा ७ गडी राखून पराभव झाल्यानंतर प्रशिक्षक आर्थर म्हणाले होते की, “अहमदाबादमधील भारत-पाकिस्तान सामना हा आयसीसी स्पर्धेपेक्षा द्विपक्षीय मालिकेसारखा वाटत होता.” प्रशिक्षकाने असेही म्हटले होते की, “मला या सामन्यात ‘दिल-दिल पाकिस्तान’च्या घोषणा ऐकू आल्या नाहीत.” प्रशिक्षकाचा हे सांगण्यामागचा अर्थ असा होता की, “भारत आणि पाकिस्तान यांच्यातील या महत्त्वाच्या सामन्यासाठी भारताला चाहत्यांचे पुरेसे समर्थन होते. याचे कारण म्हणजे, पाकिस्तान समर्थकांना भारताने व्हिसा दिला नाही. या सामन्यात बाबर ब्रिगेडला प्रोत्साहन देण्यासाठी मैदानावर लोक उपस्थित नव्हते,” असं मत त्यांनी व्यक्त केले.

हेही वाचा: Rohit Sharma: रोहित शर्माचा निष्काळजीपणा; बांगलादेशविरुद्धच्या सामन्यापूर्वी पुणे पोलिसांची कारवाई, नेमकं प्रकरण काय?

आर्थरच्या या वक्तव्यावर वसीम अक्रम नाराज झाला. पाकिस्तानची वृत्तवाहिनी ‘ए स्पोर्ट्स’शी बोलताना तो म्हणाला की, “या सामन्यासाठी पाकिस्तानी संघाच्या रणनीतीवर बोलण्याऐवजी प्रशिक्षक अशी विधाने करून लोकांचे लक्ष दुसरीकडे विचलित करत आहे.” डावखुरा वेगवान गोलंदाज पुढे म्हणाला, “तुम्ही सांगा पाकिस्तानची योजना काय होती. कुलदीप यादवला कसे खेळायचे? हे आम्हाला ऐकायचे आहे, ही व्यर्थ चर्चा नका करू. अशा गोष्टींमुळे तुम्ही लोकांचे लक्ष भरकटवू होऊ शकत नाही.”

भारताच्या आगामी सामन्याबद्दल सांगायचे तर, संघाला विश्वचषकातील चौथा सामना बांगलादेशविरुद्ध १९ ऑक्टोबर रोजी पुण्यातील महाराष्ट्र क्रिकेट असोसिएशन स्टेडियमवर खेळायचा आहे. भारताने आतापर्यंत विश्वचषकातील तिन्ही सामने शानदार जिंकले आहेत.