BCCI Selection Committee: बीसीसीआय निवड समितीत होणार बदल, आगरकरांच्या टीममधील सलील अंकोला राजीनामा देण्याच्या तयारीत

वास्तविक, बीसीसीआयच्या नियमांनुसार, एकाच झोनमधील दोन निवडकर्ते बीसीसीआय निवड समितीचा भाग असू शकत नाहीत. अजित आगरकर, ज्याची बीसीसीआयने काही महिन्यांपूर्वी निवड समितीचे प्रमुख म्हणून निवड केली होती. आगरकर हे मुंबई तसेच भारताकडून खेळले आहेत आणि ते पश्चिम विभागातून आले आहेत. आता त्याच विभागातून सलील अंकोला देखील आले आहेत.

आणखी वाचा

वादावर पडदा, RSS भाजपासाठी मैदानात; विधानसभेसाठी यंत्रणा कार्यान्वित!

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

अजित पवारांच्या राष्ट्रवादीची नवी जाहीरात वादात, निवडणूक आयोगाकडून आक्षेप; निवडणुकीच्या तोंडावर नामुष्की

लक्षवेधी लढत : कुडाळमध्ये राणेंच्या वर्चस्वाचा कस

मुरबाडच्या ‘कुणबी’ लढतीत आगरी अस्मिताही महत्वाची

Bhokar Assembly Election 2024 : श्रीजया चव्हाण विरुद्ध तिरुपती कोंढेकरांमध्ये अटीतटीची लढत; भोकरमध्ये कोणाचं पारडं जड?

पुणे : मोदींच्या सभेसाठी भाजपसह महायुतीसमोर ‘हे’ आव्हान! स. प महाविद्यालयाच्या मैदानावर मंगळवारी होणार सभा

BJP Manifesto : भाजपाच्या जाहीरनाम्यात लाडक्या बहिणींना २१०० रुपये देण्याचं आश्वासन , शेतकऱ्यांना कर्जमाफीसह ‘या’ घोषणा

इंडियन एक्स्प्रेसने दिलेल्या वृत्तानुसार, बीसीसीआयने एक निर्णय घेतला आहे की सलील अंकोला आणि अजित आगरकर हे दोघेही पश्चिम विभागातील असल्याने त्यांचा कार्यकाळ संपल्यानंतर निवडकर्ता म्हणून अंकोला यांचा कार्यकाळ न वाढवणे हे समितीच्या हिताचे ठरणार आहे.

हेही वाचा: Waqar Younis: पाकिस्तानच्या वकार युनूसचे आश्चर्यचकित करणारे विधान; म्हणाला, “विराट कोहली एवढे शतके करेल जेवढे…”

सध्याच्या निवड समितीचा कार्यकाळ डिसेंबरमध्ये संपत आहे

बीसीसीआयच्या निवड समितीच्या निवडकर्त्यांचा एक वर्षाचा करार करण्यात आला आहे. जर डिसेंबरमध्ये त्यांचा कार्यकाळ संपणार असेल तर तो पुढे चालू ठेवण्यासाठी त्यांना पुन्हा अर्ज करावा लागेल. बीसीसीआयच्या सध्याच्या निवड समितीमध्ये अजित आगरकर, शिवसुंदर दास, सुब्रतो बॅनर्जी, एस. शरथ आणि सलील अंकोला यांचा समावेश आहे.

गोव्यात होणाऱ्या वार्षिक सर्वसाधारण सभेत निवडकर्त्यांचा कार्यकाळ संपल्यानंतर बीसीसीआयला अर्ज मागवण्यास सभागृहाची मंजुरी मिळेल, असे मानले जाते. बोर्ड त्याचवेळी सुधारित नुकसानभरपाईचा धनादेश निवड समितीला देईल. २५ सप्टेंबर रोजी बीसीसीआयची ९२वी वार्षिक सर्वसाधारण सभा (AGM) गोव्यात होणार आहे. बीसीसीआयची शेवटची वार्षिक सर्वसाधारण सभा १८ ऑक्टोबर २०२२ रोजी मुंबईत झाली.

हेही वाचा: Harmanpreet Kaur: रोहित-विराट नव्हे, हरमनप्रीत कौर ठरली टाइम १०० नेक्स्ट २०२३च्या यादीत स्थान मिळवणारी भारतीय क्रिकेटपटू

सलील अंकोला भारताकडून २० वन डे आणि एक कसोटी खेळले आहे

१ मार्च १९६८ रोजी महाराष्ट्रातील सोलापूर येथे जन्मलेले आणि मुंबईसाठी प्रथम श्रेणी क्रिकेट खेळणारे सलील अंकोला यांनी १९८९ ते १९९७ दरम्यान भारताकडून आंतरराष्ट्रीय क्रिकेट खेळले. अंकोला नोव्हेंबर १९८९ मध्ये पाकिस्तानविरुद्ध एकमेव कसोटी सामना खेळला. या सामन्यात त्याने ६ धावा केल्या आणि २ विकेट्स घेतल्या आहेत.

भारतासाठी २० एकदिवसीय सामन्यांमध्ये, अंकोला यांनी ३४ धावा करण्याबरोबरच १३ विकेट्सही घेतल्या आहेत. दुसरीकडे, अजित आगरकरने ५४ प्रथम श्रेणी सामन्यांमध्ये ७०७ धावा केल्या आणि १८१ विकेट्स घेतल्या आहेत. अंकोलाने आपल्या ७५ लिस्ट-ए सामन्यांमध्ये ३२५ धावा केल्या आणि ७० विकेट्स घेतल्या आहेत.