ते काय करतायत, हे त्यांना समजत नाहीये ! धोनीच्या टिकाकारांना शेन वॉर्नचं प्रत्युत्तर

आगामी विश्वचषकासाठी भारतीय संघात कोणाला जागा मिळणार याबाबतचा संभ्रम अद्याप कायम आहे. यष्टीरक्षक म्हणून महेंद्रसिंह धोनीची संघातली जागा निश्चीत असली तरीही त्याच्या फलंदाजीबाबतचं प्रश्नचिन्ह कायम आहे. ऑस्ट्रेलियाविरुद्ध चौथ्या सामन्यात धोनीला विश्रांती देऊन भारताने युवा ऋषभ पंतला संघात जागा दिली. मात्र या सामन्यात पंतने ढिसाळ क्षेत्ररक्षण केलं. यावेळी भारताला धोनीची कमतरता जाणवली. मात्र गेल्या काही सामन्यांमध्ये धोनीच्या फलंदाजीतील कामगिरीत सातत्य जाणवत नाहीये. यासाठी त्याला टिकेचा धनीही बनावं लागलं. अशावेळी ऑस्ट्रेलियाचा माजी फिरकीपटू शेन वॉर्न धोनीच्या मदतीसाठी धावून आलाय. “धोनीवर टीका करणाऱ्यांना आपण नेमकं काय बोलतोय हेच समजत नाहीये”, अशा शब्दात वॉर्नने धोनीची पाठराखण केली आहे.