Mukesh Ambani Grandson Birthday : आशीर्वाद देण्यासाठी ‘या’ क्रिकेटपटूंनी गाठलं गुजरात; वाढदिवसाचं नियोजन ऐकाल तर चाटच पडाल!

या सोहळ्याला सचिन तेंडुलकर आणि झहीर खान हे दिग्गज क्रिकेटपटू उपस्थित असतील. तर टीम इंडियाचा नवा कप्तान रोहित शर्मा, अष्टपैलू खेळाडू हार्दिक पंड्या हे क्रिकेटपटूही जामनगरला पोहोचले आहेत. वाढदिवसाच्या कार्यक्रमासाठी सर्व व्हीआयपी पाहुण्यांना चार्टर्ड विमानातून बोलावण्यात आले आहे. यावेळी अंबानी परिवाराकडून ५० हजार ग्रामस्थांना जेवण दिले जाणार आहे. याशिवाय जवळच्या अनाथाश्रमांना भेटवस्तू देण्यात येणार आहेत. करोना महामारीच्या दृष्टीने ही ‘पूर्णपणे क्वारंटाइन बबल पार्टी’ असेल. तसेच, जारी केलेल्या अधिकृत प्रोटोकॉलचे पालन केले जाईल.

हेही वाचा – खळबळजनकच..! टीम इंडियापासून वेगळं होताच रवी शास्त्रींचा गौप्यस्फोट; म्हणाले, ‘‘BCCIमधील काही लोकांना…”

वाढदिवसासाठी कडेकोट व्यवस्था

अंबानी कुटुंबाने जारी केलेल्या अधिकृत नोटीसमध्ये असे म्हटले आहे, की सर्व पाहुण्यांना पूर्णपणे लसीकरण करणे आवश्यक आहे. ७ डिसेंबरपासून मुंबईत सर्व पाहुण्यांची दररोज चाचणी केली जात आहे. या चाचण्या आमच्या टीमद्वारे केल्या जातील. निगेटिव्ह आढळल्यानंतर, त्यांना अंबानींनी बुक केलेल्या खासगी जेटद्वारे जामनगरला नेले जाईल आणि वाढदिवसाच्या वेळेपर्यंत सर्वांना क्वारंटाइनमध्ये ठेवले जाईल.

पृथ्वीसाठी नेदरलँड्सहून मागवलीत खेळणी

ईटाइम्सच्या रिपोर्टनुसार, ही पार्टी क्वारंटाइन बायो बबलमध्ये असेल. मुलांना खेळण्यासाठी विशेष व्यवस्था करण्यात आली आहे. श्लोका अंबानीने तिच्या छोट्या राजकुमारासाठी नेदरलँड्समधून खेळणी आणली आहेत, तर इटली आणि थायलंडमधील आंतरराष्ट्रीय शेफ पाहुण्यांसाठी डिशेस तयार करतील. एवढेच नव्हे, तर जामनगरमधील अनाथाश्रमांना भेटवस्तू आणि खेळणी पाठवण्यात येणार असल्याचे म्हटले जात आहे.