यंदाचा विश्वचषक कारकीर्दीतील अखेरचा -मेसी

ब्युनोस आयर्स : यंदा कतार येथे होणारा ‘फिफा’ विश्वचषक आपल्या कारकीर्दीतील अखेरचा असेल, असे अर्जेटिनाचा कर्णधार आणि तारांकित आघाडीपटू लिओनेल मेसी म्हणाला. ३५ वर्षीय मेसीला यंदा पाचव्यांदा विश्वचषकात खेळण्याची संधी लाभणार आहे. परंतु त्याला विश्वविजेतेपदाने हुलकावणी दिली आहे. अर्जेटिनाचा संघ गेल्या ३५ सामन्यांत अपराजित असून गेल्या वर्षी मेसीच्या नेतृत्वात या संघाने कोपा अमेरिका स्पर्धेचे जेतेपद पटकावले होते. त्यामुळे विश्वचषकाच्या जेतेपदासाठी अर्जेटिनाला प्रबळ दावेदार मानले जात आहे.